اسلام آباد ۔ 5 مارچ (اے پی پی) وزیر اعظم دے معاون خصوصی قومی صحت ڈاکٹر ظفر مر??اآ??ھیے جو کرونا وائرس دا شکار لوک تے انہاں دے علاج کرنڑ آلے ڈ??کٹرز تے صحت دے عملے دے علاوہ ہر کہیں کوں ماسک پاونڑ دی ضرورت کائنی ۔خمیس کوں ہک ٹویٹ اچ انہاں آکھیے جو کجھ لوکاں کوں ماسک پاونڑ دی ضرورت اے انہاں اچ او لوک شامل ہن جنہاں کوں کرونا وائرس دی بیماری ہووے ،او ڈاکٹرز اتے صحت دا بیا عملہ جیرھا کورونا وائرس دے مریضاں دی ڈیکھ بھال کریندا پیا ہووے ۔انہاں آکھیے جو ایجھے لوک جنہاں کوں کھنگ نزلہ زکام ہووے او وی ماسک ضرور پاون ۔ وزیر اعظم دے معاون خصوصی ٹویٹ اچ بینر وی شیئر کیتے جیں اچ عوام کوں ڈسایا گے جو ماسک کوں پاونڑ کیتے کیا احتیاطی تدبیر اختیار کرنڑیں چاہیدی اے ۔آگاہی دے بینر اچ ڈسایا گے جو ماسک پاونڑ توں ??ہل?? ہتھ چنگی طرح صابن نال دھوتے ونجن تے منہ تے نک کوں چ??گی طرح لکایا ونجے ماسک اچ کوئی خلا ن?? ہووے ،استعمال کریندے ہوئیں ماسک کوں ہتھ نہ لایا ونجے اگر ہتھ ول ول لگ وی ونجے تاں ولا ہتھ دھوو ،ماسک ساہ گھننڑ نال پس ونجے تاں اینکوں بدال ڈتا ونجے استعمال تھئے ماسک کوں ولا ن?? پاتا ونجے ۔ سر دے پچھوں ہتھ کرتے ماسک لہایا ونجے تے ہتھ 20سیکنڈ تئیں دھوتے ونجن ۔ این۔95 ماسک ہک خصوصی ماسک اے جیرھا جوکرونا وائرس دے مریضاں دی ڈیکھ بھال کرنڑ آلے لوکاں کیتے اے ۔
کرونا وائرس دا شکار لوک ، علاج تے مامور ڈاکٹرز اتے صحت دے عملے دے علاوہ کہیں کوں ماسک پاونڑ دی ضرورت کائنی ، ڈاکٹر ظفر مرزا
مضمون کا ماخذ : اسکریچ کارڈ پاکستان
متعلقہ مضامین
