لاہور۔8اپریل (اے پی پی):گور نر پنجاب چوہدری محمدسرورآکھیے جو اپوزیشن جماعتاں آپݨی بق?? دی جنگ لڑدیاں پئن اے استعفے نہ ݙیسن تے نہ ہی حکومت کوں انہاں توں خطرہ اے ، حکومت سودھے سارے ادارے ملکی ترقی تے خوشحالی کیتے ہک پیج تے ہن ،اساں ملک کوں اڳوں گھن تے ونڄݨ چاہندوں ،پنجاب دے سار?? ضلعیں اچ ہکو سویں ترقیاتی منصوبیں تے کم تھیندا پئے ،صحت تے تعلیم جیہاں بنیادی سہولتاں دی فراہمی حکومت دی اولین ترجیح اے ۔ او خمیس دے ݙینھ لاہور توں ساہیوال روڈ کارپٹ کرݨ دے 3ارب روپے دے منصوبے دا سنگ بنیاد رکھݨ دی تقریب توں خطاب تے میڈیا نال ڳالھ مہاڑ کریندے پئے ہن ۔ ایں موقع تے جنر ل منیجر نیشنل ہائی وے افتخار احمد ساجد ،ڈائر یکٹر نیشنل ہائی وے محمد عمران خان ،ڈپٹی ڈائریکٹر نیشنل ہائی وے رانا محمد ندیم ،چیئر مین پنجاب آب پاک اتھارٹی ڈاکٹر شکیل احمد ،اوورسیز کمیشن پنجاب دے وائس چیئر مین ??سی?? رامے تے رائے حسن نواز سودھے ٻئے موج??د ہن ۔
