لاہور۔8جنوری (اے پی پی):وفاقی وزیر اطلاعات و نشریات چوہدری فواد حسین آکھیے جو غلط بیان حلفی جمع کراوݨ تے شہباز شریف کوں جیل ونڄݨا چاہیدے ، شہباز شریف اپݨی سیٹ دی فکر کرن، وزیراعظم بݨݨ بھل ونڄن ، او ایم این اے وی نی بݨ سڳدے ، مولانا فضل الرحمان، شہباز شریف اتے بلاول دی آئیڈیالوجی آپت اچ نی رلدی ، اپوزیشن چوں چوں دا مربہ اے، ا?? اسلام آباد آئے تاں انہاں کوں انج انج خیمے لاتے ݙیسوں تاں جو اے آپت اچ نہ لڑن ۔ اے ڳال انہاں ہفتے کوں اتھاں پریس کانفرنس دے دوران صحافیاں دے سوالاں دا جواب ݙیندے ہوئیں آکھی اے ، ا??ں موقع تے وفاقی وزیر تعلیم و پیشہ ورانہ تربیت شفقت محمود اتے معاون خصوصی امور نوجوانان عثمان ڈار وی موجود ہن ۔ وفاقی وزیر اطلاعات آکھیے جو اپوزیشن دی طرفوں مری اچ شدید موسمی حالات تے وی سیاست چمکاوݨ دی کوشش کیتی ڳئی ، شاہد خاقان عباسی جیں حلقے ??وں منتخب تھئن انہاں کوں آپݨے لوکاں دی مدد کیتے اتھاں ونڄݨا چاہیدا ہئی لیکن او پنڈی اچ ٻہہ تے پریس کانفرنس کریندے رہیے ، انہاں آکھیے جو مریم نواز وی بے حس سیاست کیتی، اپوزیشن دی سیاست اہمیت نی رکھیندی انہاں دا کم صرف شور مچاوݨ اے ۔ ھک سوال دے جواب اچ انہاں آکھیے جو شہباز شریف غلط بیان حلفی جمع کرایا، اڳلے ہفتے وفاقی حکومت دی طرفوں لاہور ہائی کورٹ اچ ایں ضمن اچ کیس فائل تھی ویسی
شہباز شریف اپݨی سیٹ دی فکر کرن، وزیراعظم بݨݨ بھل ونڄن او ایم این اے وی نی بݨ سڳدے ، مولانا فضل الرحمان، شہباز شریف اتے بلاول دی آئیڈیالوجی آپت اچ نی رلدی ، وفاقی وزیر اطلاعات چوہدری فواد حسین دی پریس کانفرنس
مضمون کا ماخذ : سمندری ڈاکو گولڈ
متعلقہ مضامین
