نیویارک ۔27ستمبر (اے پی پی) وزیر اعظم محمد شہباز شریف اقوام متحدہ دی جنرل اسمبلی اچ فلسطین اتے لبنان اچ اسرائیلی جارحیت کوں بے نقاب کریندیں وہئیں آکھیا جو فلسطین اتے لبنان اچ اسرائیلی جارح??ت ہک تنازعہ نئی، اے معصوم لوکاں دا منظم قتل، انسانی زندگی اتے وقار دی روح تے حملہ اے۔ جمعےکوں آپݨے خطاب اچ انہاں آکھیا جو غزہ دے لوکاں دی حالت زار تے پاکستانی عوام ولوں ݙکھ اتے درد دا اظہار کرینداں۔ مقدس سرزمین اچ تھیوم آلے سانحہ کوں ݙیکھدیں ہوئیں اساݙے دل خون دے ہنج وہیندے پئن۔ ہک ایجھا المیہ جیڑھا انسانیت دے ضمیر اتے ایں ادارے دی بنیاد کوں ہلا تے رکھ ݙیندے۔ انہاں آکھیا جو جݙاں ٻال آپݨے ترٹے پھٹے گھر دے ملبے تلوں دبے ہوون تاں کیا اساں بحیثیت انسان چپ رہ سڳدوں؟ کیا اساں انہاں میریں دی اکھیں بند کر سڳدوں جیڑھے آپݨے ٻالاں دی بے جان جسماں کوں جھولا ݙیندن؟ غزہ دے ٻالاں دے خون نال نہ صرف ظالماں دے ہتھ رنڳیے ڳئن بلکہ انہاں لوکاں دے وی جیڑھے ایں ظلم تنازعے کوں طول ݙیوݨ اچ شریک ہن۔ انہاں آکھیا جو جݙاں اساں انہاں دے لامتناہی مصائب کوں نظر انداز کریندوں تاں آپݨی انسانیت کوں حقیر کر ݙیندوں۔ صرف مذمت کرݨ کافی کائنی۔ اساکوں عمل کرݨا پوسی اتے خونریزی کوں فوری طور بند کرݨ دا مطالبہ کرݨا چاہیدے۔ اساکواں 1967 توں پہلے دی سرحداں تے ہک قابل عمل، محفوظ ا??ے متصل اتے خود مختار ریاست فلسطین دی جستجو کرݨی چاہیدی اے جئیں دا مستقل دارالحکومت القدس الشری?? ہووے اتے انہاں مقاصد کوں اڳوں ودھاوݨ کیتے فلسیطن کوں فوری طور اقوام متحدہ دا مکمل رکن وی منیا ونڄے۔ شہباز شریف آکھیا جو کڄھ ݙینھ اچ لبنان تے اسرائیل دی بمباری نال تریمتیں اتے چھوٹے ٻالاں سودھے پںج سو توں ودھ جاں بحق تھی ڳئن۔ وزیراعظم آکھیا جو اقوام متحدہ دی قرارداداں تے عملدرآمد اچ ناکامی اسرائیل دا حوصلہ ودھیندی اے۔ مشرق وسطیٰ کوں ہک جنگ اچ گھسیٹݨ دا خطرہ پی??ا کریندی اے جئیں دے نیتجے عالمی سطح تے سنگین اتے تصور توں کتھائیں ودھ ہن۔
فلسطین اتے لبنان اچ اسرائیلی جارحیت ہک تنازعہ نئی، اے معصوم لوکاں دا منظم قتل، انسانی زندگی اتے وقار دی روح تے حملہ اے، وزیر اعظم محمد شہباز شریف
مضمون کا ماخذ : عمومی کلیدی الفاظ
متعلقہ مضامین
