لاہور۔27 اکتوبر(اے پی پی )وزیر اعلی پنجاب آفس اچ مقبوضہ کشمیر اچ بھارتی تسلط دے خلاف یوم سیاہ دے موقع تے ہک تقریب تھئی جیندے اچ وزیر اعلی پنجاب سردار عثمان بزدارمقبوضہ کشمیر اچ 7 ڈھاکیاں توں جاری بھارتی مظالم عالمی سطح تے بے نقاب کرنڑ کیتے حکومت پنجاب دی ڈاہ لکھ دستخطاں دی خصوصی مہم کمپیوٹر دا بٹن دبا تے شروع کیتی اتے ہک درخواست تے وی دستخط کیتے۔ڈاہ لکھ لوکاں دے دستخطاں نال بھری اے درخواست ڈاہ دسمبر ڈو ہزار انوی کوں اقوام متحدہ دے انسانی حقوق کمیشن کوں پیش کیتی ویسی اتے اے مہم سوشل میڈیا تے آن لائن وی چلائی ویسی۔ایں سانگے ڈویژنل اتے ضلعی ہیڈ کوارٹراں تے کمشنر اتے ڈپٹی کمشنر دفتراں اچ وی دستخطی تقریباں تھین۔
مضمون کا ماخذ : نتیجہ میگا سینا
