ایمان اے نریندر مودی کشمیر دی خصوصی حیثیت مکاونڑ دا 5 اگست کوں جیرھا قدم چاتے ایندے نال آزادی کشمیر دا رستہ نکلسی ،تحریک آزادی کشمیر سیاسی، سفارتی اتے ذرائع ابلاغ دی سطح تے کامیابی نال ہمکنار تھئی اے کشمیری رہنماواں نال رل تے ہک کمیٹی بنڑیسوں جیں دے بعد اگلا مرحلہ شروع کریسوں
بھارتی وزیراعظم دی 11ڈینھ اچ پا??ستان اتے آرمی چیف دی آزاد کشمیر فتح کرنڑ دیاں گالھیں کوں کوئی ذی شعور بندہ نی کرسگدا جڈاں ڈوہیں ملک جوہری طاقتاں ہوون ،اے گھبرائے ہوئے لوکاں دیاں گالھیں ہن
مودی حکومت 5 اگست دے اقدام دے بعد اوکھی پھس گئی اے
مظفرآباد۔ 5 فروری (اے پی پی) وزیراعظم عم??ان خان آکھیے جو ایمان اے نریندر مودی کشمیر دی خصوصی حیثیت مکاونڑ دا 5 اگست کوں جیرھا قدم چاتے ایندے نال آزادی کشمیر دا رستہ نکلسی ،تحریک آزادی کشمیر سیاسی، سفارتی اتے ذرائع ابلاغ دی سطح تے کامیابی نال ہمکنار تھئی اے کشمیری رہنماواں نال رل تے ہک کمیٹی بنڑیسوں جیں دے بعد اگلا مرحلہ شروع کریسوں بھارتی وزیراعظم دی 11ڈینھ اچ پا??ستان اتے آرمی چیف دی آزاد کشمیر فتح کرنڑ دیاں گالھیں کوں کوئی ذی شعور بندہ نی کرسگدا جڈاں ڈوہیں ملک جوہری طاقتاں ہوون ،اے گھبرائے ہوئے لوکاں دیاں گالھیں ہن۔ مودی حکومت 5 اگست دے اقدام دے بعد اوکھی پھس گئی اے ۔ مودی اگر اپن??ے اجوکے قدم توں پچھوں ہٹدے تاں اینکوں انتہا پسند ہندواں توں خطرہ اے جڈاں جو او مزید ایجھے قدم چیندے تاں عالمی سطح تے بے نقاب تھیسی ، آر ایس ایس دے نظریے اتے ہندوتوا دے حوالے نال دنیا اساڈی گال کوں اہمیت ڈتی اے ۔اے گال انہاں بدھ کوں آزاد جموں کشمیر قانون ساز اسمبلی دے اجلاس نال خطاب کریندے ہوئیں آکھی اے ۔ وزیراعظم آکھیے جو آزاد جموں کشمیر دے ارکان پارلیمنٹ اپن??ے اندر مایوسی نہ گھن آون ۔مایوسی گناہ اے قوماں دی زندگی اچ اوکھا وقت ایمان دی آزمائش کیتے آندے رہندن تے قرآن وی اساکوں ایہو کجھ ڈسیندے تاں جو اوکھے وقت اچ صبر اللہ کوں بہوں پسند اے تے میں ایں حوالے نال کہیں تے ابہام دا شکار کائنی ،میکوں یقین اے جو اساں اوکھے ویلھے توں کل ویسوں تے پا??ستان دنیا دا عظیم ملک بنڑسی ۔انہاں آکھیے جو مودی چھی مہینے پہلے مقبوضہ کشمیر دی خصوصی حیثیت مکاونڑ دا جیرھا قدم چاتے میڈا ایمان اے جو ایندی وجہ توں کشمیر آزاد تھیسی ،اگر او اے قدم نہ چیندا تاں اساں دنیا کوں کجھ نہ ڈسا سگدے ہاسے ، مقبوضہ کشمیر اچ ظلم 5 اگست توں پہلے وی جاری ہئی ،نشوم لوکاں دے خلاف پیلٹ گنز دا استعمال کیتا ویندے ،اتھاں تھیونڑ آلیاں شہادتاں تے دنیا کوں کوئی فکر کائناں ہئی تے کہیں جاہ توں کوئی آواز کائناں چودی ہئی ۔انہاں آکھیے جو بھارت ہنڑ ہک سنگین غلطی کرچکے ہنڑ ایندے توں پچھی تے نی ونج سگدا ، مودی اے غلطی وڈے مینڈیٹ دی وجہ توں کیتی اے ،ایندی پوری انتخابی مہم پا??ستان کوں سبق سکھالنڑ ،ہندو نیشنل ازم اتے ہندوتوا نظریے دے ودھارے تے محیط ہئی ، اوآر ایس ایس دے نظریے کوں گھن تے اگوں ودھدا پئے، آر ایس ایس دا اے فلسفہ ایندے بانی دے نازی ازم توں متاثر تھی تے رکھیا گے ، ایندے بانی اپنڑی کتاب اچ یہودیاں دے قتل عام دی تحسین کیتی ہئی ۔ وزیراعظم آکھیے جو 5 اگست دے بعد اساکوں دنیا کوں ایں نظریے بارے سمجھاونڑ دا موقع ملیا ا، پا??ستان دی قومی اسمبلی اچ تقریر دے دو??ان اچ ڈسائے جو آر ایس ایس دا فلسفہ کیا اے ولا میں قانون ساز اسمبلی اچ آیا تے تساں نال وعدہ کیتا ہئی میں پا??ستان دا سفیر بنڑساں تے ایں حوالے نال اپنڑی پوری کوشش کیتی ، دنیا دے جیں فورم تے گیا اتھاں کشمیر دی موجودہ صورت حال تے آر ایس ایس دا فلسفہ دنیا دے سامنڑے رکھیا ، مختلف ملکاں سے سربراہیں کوں ایں حوالے نال ڈسایا ،امریکی صدر ڈونلڈ ٹرمپ کوں ترائے واری مسئلہ کشمیر سمجھائے ۔ وزیراعظم آکھیے جو 600 یورپی یونین پارلیمنٹ دے ممب??ان قرارداد پیش کیتی، امریکہ دے 150ممب??ان پارلیمنٹ ایندے تے گال کیتی اے اساڈی طاقت اے ،۔اساں پوری منصوبہ بندی نال کشمیر اچ ظلم کوں دنیا سے سامنڑے رکھیسوں ،ایں سلسلے اچ پا??ستانی اتے کشمیری تارکین وطن اساڈی طاقت ہن ،جیویں اے تارکین وطن ہنڑ کشمیر اچ تھیونڑ آلے ظلم تے باہر نکلین ماضی اچ ایندی مثال نی ملدی ، اساں انہاں کوں متحرک کریسوں ،او اپنڑے حلقیں دے ارکان پارلیمنٹ کوں کشمیر تے تھیونڑ آلے ظلم دا ڈسیسن ۔
وزیراعظم عمران خان دا آزاد جموں و کشمیر قانون ساز اسمبلی دے اجلاس نال خطاب
مضمون کا ماخذ : لاٹری کے لائیو نتائج
متعلقہ مضامین
