اسلام آباد ۔ 4 فروری (اے پی پی) وفاقی وزیر ریلوے شیخ رشید احمد نال پاکستان اچ جرمنی دے سفیر برن ہارڈ سکلیگ ہیک ملاقات کیتی جیں اچ پاکستان ریلوے اچ جاری ترقیاتی منصوبیں خاص طور تے کراچی پشاور مین لائن ون منصوبے تے گال مہاڑ کیتی گی۔ جرمن سفیر وزیر ریلوے کوں پاکستان ریلوے دے ذریعے گزریل ہفتے راولپنڈی توں کراچی سفر متعلق ڈسیندے ہوئیں آکھیے جو ریلویز پاکستان دی ثقافت اتے علاقیں کوں رلیندی اے ، سفر دے دوران پاکستانی لوکاں نال ملنڑ ہک چنگاں تجربہ رہیے ۔ وفاقی وزیر ریلوے شیخ رشید احمد آکھیے جو پاکستان ریلوے دی ترقی ملکی معیشت کیتے ناگزیر اے ، ریل نیٹ ورک کوں ایم ایل ون منصوبے توں اپ گریڈ کریندے پیوں، سی پیک منصوبیں دے تحت کراچی تے پشاور دے درمیان 1872 کلومیٹر ٹریک دی اپ گریڈیشن دا کم ایں سال شروع تھی ویسی ۔
مضمون کا ماخذ : لاٹری ٹکٹ کی قیمت
