افغانستان دی کمزور آبادی کوں انسانی بنیاداں تے امداد ݙیوݨ اتے عالمی برادری دی طرفوں معاشی شمولیت دی اشد لوڑھ اے ، وزیراعظم عمران خان دی سیکرٹری جنرل او آئی سی نال ملاقات اچ ڳال مہاڑ

APP48-191221 ISLAMABAD: December 19 Secretary General of the Organization of Islamic Cooperation (OIC)H.E Hissien Brahim Taha call on Prime Minister Imran Khan. APP

اسلام آباد۔19دسمبر (اے پی پی):وزیراعظم عمران خان افغانستان دی کمزور آبادی کوں انسانی بنیاداں تے امداد دی فراہمی اتے عالمی برادری دی طرفوں معاشی شمولیت دی لوڑھ اتے زور ݙتے۔ اے ڳال انہاں اسلامی تعاون تنظیم (او آئی سی) دی وزراء خارجہ کونسل دے 17 ویں غیرمعمولی اجلاس دے موقع تے سیکرٹری جنرل او آئی سی حسین ابراہیم طحٰہ نال ملاقات کریندے ہوئیں آکھی اے ،اتوار کو وزیراعظم آفس دے میڈیا ونگ توں جاری بیان موجب وزیراعظم عمران خان سیکرٹری جنرل او آئی سی دے پہلے دورہ پاکستان تے انہاں دا خیرمقدم کیتے اتے او آئی سی وزراء خارجہ کونسل دے غیرمعمولی اجلاس اچ انہاں دی شرکت تے شکریہ ادا کیتے۔ انہاں افغانستان اچ امن و استحکام کیتے او آئی سی دیاں کوششاں دی تعریف کیتی ، انہاں افغانستان دی کمزور آبادی کوں انسانی بنیاداں تے امداد دی فراہمی اتے عالمی برادری دی طرفوں معاشی مذاکرات دی لوڑھ دی اہمیت کوں چاتے ۔ وزیراعظم پوری دنیا اچ مسلماناں کوں پیش آندے اسلامو فوبیا دے چیلنج کوں وی اجاگر کیتے۔ انہاں تجویز ݙتی جو او آئی سی پوری دنیا دے لوکاں کوں حضرت محمد ﷺنال مسلماناں دی محبت اتے عقیدت مندی بارے آگاہی کیتے قیادت کرے۔ وزیراعظم بھارت دے غیرقانونی زیر تسلط جموں و کشمیر اچ انسانی حقوق دیاں سنگین خل??ف ورزیاں تے گہری تشویش ظاہر کیتی۔ او آئی سی دی طرفوں کشمیریاں دی بھرپور حمایت دی تعریف کریندے ہوئیں انہاں او آئی سی دے سیکرٹری جنرل توں درخواست کیتی جو او اقوام متحدہ دی سلامتی کونسل دیاں قرارداداں دے مطابق جھیڑا جموں و کشمیر دے حل دی حمایت جاری رکھن۔ سیکرٹری جنرل او آئی سی افغان عوام کوں پیش آندے انسانی بحران نال نبݨݨ کیتے وزیراعظم عمران خان دی قیادت اچ او آئی سی وزراء خارجہ کونسل دا غیرمعمولی اجلاس سݙݨ تے شکریہ ادا کیتے۔ انہاں پاکستان اچ آپݨے قیام دے دوران بھرپور میزبانی تے پاکستان اتے ایندے عوام دا وی شکریہ ادا کیتے۔