سیاحوں کی گاڑی دریائے نیلم میں گرنے سے میاں بیوی جاں بحق جب کہ ایک بچی زخمی ہو گئی۔
ایکسپریس نیوز کے مطابق مظفر آباد کی وادیٔ نیلم میں سیاحوں کی گاڑی حادثے کا شکار ہو کر دریائے نیلم میں جا گری، جس کے نتیجے میں میاں بیوی موقع ہی پر جاں بحق ہو گئے جب کہ ایک بچی زخمی ہو گئی۔
ابتدائی اطلاعات کے مطابق صندق سیداں کے مقام پر گاڑی پھسل کر دریائے نیلم میں جا گری۔ حادثے کا شکار ہونے والی گاڑی میں سیالکوٹ سے تعلق رکھنے والی فیملی سوار تھی، جس میں میاں بیوی جاں بحق اور بچی زخمی ہوئی۔
حادثے کے بعد زخمی بچی اور لاشوں کو اسپتال منتقل کردیا گیا ۔ جاں بحق ہونے والوں میں حاجرہ اسلم اور م??ک علی شامل تھے، جن کا تعلق سیالکوٹ سے تھا۔
واضح رہے کہ دو روز قبل بھی وادی نیلم نگدر کناری کے مقام پر جیپ حادثے کا شکار ہو کر دریائے نیلم میں جا گری تھی، جس کے باعث 4 افراد جاں بحق اور دلہا زخمی ہوگیا ہوگیا تھا۔
اسلام آباد:اسلام آباد ہائی کورٹ نے شیر افضل مروت کی 20 دسمبر تک حفاظتی ضمانت منظور کرتے ہوئے متعلقہ عدالت میں پیش ہونے کا حکم دے دیا۔
عدالت نے اسلام آباد اور پنجاب پولیس کو شیر افضل مروت کو گرفتار نہ کرنے کا حکم دیا ہے۔ اسلام آباد پولیس کی جانب سے تمام مقدمات کی رپورٹ عدالت میں جمع کرا دی گئی جس کے مطابق شیر افضل مروت کے خلاف اسلام آباد میں درج مقدمات کی تعداد 15 ہوگئی۔
عدالت نے آئی جی پنجاب سے شیر افضل مروت کے خلاف درج مقدمات کی تفصیلات منگوانے کی ہدایت کرتے ہوئے کہا کہ ڈی ایس پی لیگل آپ پنجاب حکومت سے رابطہ کرکے ریکارڈ منگوائیں۔ ریکارڈ کی فراہمی تک پنجاب سے بھی شیر افضل مروت کو کسی کیس میں گرفتار نہ کیا جائے۔
عدالت نے شیر افضل مروت کی 20 دسمبر تک حفاظتی ضمانت منظور کرتے ہوئے متعلقہ عدالتوں میں پیش ہونے کا حکم دے دیا۔
.jpg)
