اسلام آباد۔28فروری (اے پی پی):وزیراعظم عمران خان بین الاقوامی سطح تے تیل دیاں قیمتاں اچ ودھارے تے مہانگ دی لہر دے باوجود ملک اچ پٹرول اتے ڈیزل دی قیمت 10 روپے فی لٹر تے بجلی دی قیمت اچ 5 روپے فی یونٹ گھٹ کرݨ ، مستحق خانداناں کیتے مالی معاونت 12 ہزار روپے توں ودھا تے 14ہزار روپے کرݨ، گھراں دی تعمیر، کساناں تے کاروبار کیتے 407 ارب روپے دے قرضے ݙیوݨ ، انٹرن شپ کرݨ آلے نیگراں کوں 30 ہزار روپے وظیفے دی فراہمی، اوورسیز پاکستانیاں کوں سرمایہ کاری یا جوائنٹ وینچر دی صورت اچ ٹیکس اچ پنج ??ال دی چھوٹ تے آئی ٹی سٹارٹ اپ تے 100 فیصد کیپٹل گین ٹیکس ختم کرݨ دا اعلان کریندے ہوئیں آکھیے جو آندے بجٹ تئیں بجلی تے پٹرولیم مصنوعات دی قیمت اچ کوئی ودھارا نہ کیتا ویسی ، مکانات دی تعمیر کیتے 1400 ارب روپے دے قرضے ݙتے ??ین??ے پئن ملک تے معیشت ہݨ صحیح رستے تے چل پئن ، مافیاز آزادی صحافت دے ناں تے بلیک میل کر یندے پئن ، سوشل میڈیا تے لوکاں دی فیک نیوز چلائی ??ین??ی پئی اے ، اے کتھاں دی صحافت اے، وزیراعظم آزاد کشمیر دے حوالے نال ترائے وݙے اخباراں اچ جیڑھا جو غیر اخلاقی مواد چھپیےجے برطانیہ اچ کوئی ایویں کریندا تاں اتنا وݙا ہرجانہ ہوندا جو اخبار ہی بند تھی ??ین??ے ، فیک نیوز کوں مکاوݨ نال قانون توں چنڳے تے پیشہ وارانہ صحافی خوش تھیسن ، حکومت کوں میڈیا دی تنقید توں کوئی مسئلہ کائنی۔ سنوار دی شام قوم نال خطاب اچ وزیراعظم عمران خان آکھیے جو دنیا اچ تکھے صورتحال بدلدی پئی اے ، ٻئی دنیا دے نال نال بدلتی صورتحال دے پاکستان تے وی اثرات مرتب تھیندے پئن ،2018 ء اچ پاکستان دا تاریخ دا ساریاں توں وݙا خسارہ ہئی، انہاں آکھیا جو زرمبارلہ دے ذخائر ترائے ہفتے دی درآمدات دے برابر ہن۔ وزیراعظم آکھیا جو کورونا نال دنیا دی معیشتاں متاثر تھین، لاک ڈاؤن دے چوݨ نال دنیا اچ مہانگ دا طوفان آیا پر پاکستان دی کورونا نال نبڑݨ دی چنڳی حکمت عملی پاروں اساں معیشت اتے قیمتی جاناں کوں بچاوݨ اچ کامیاب رہے۔ وزیراعظم آکھیا جو کرونا نال نبڑݨ بارے دنیا دے وݙے اداریاں پاکستان دی تعریف کیتی، اکانومسٹ اتے عالمی بینک پاکستان دے اقدامات دی تعریف کیتی۔ ہک پاسے اساں کورونا نال لڑیے ݙوجھے پاسے پولیو صفر تھی ڳیا۔ انہاں آکھیا جو اساݙی حکومت دے احساس پروگرام دی پورے جڳ اچ تعریف تھئی اے۔ موسمیاتی تبدیلی دے خلاف اقدامات تے وی پاکستان دی تعریف کیتی ڳئی۔ انہاں آکھیا جو دنیا اچ ایں ویلھے 40 سالیں اچ ساریاں توں ودھ مہانگ اے، کینیڈا اچ تریھ سالیں اچ ساریاں توں ودھ اتے ترکی اچ مہانگ دا 20 سال دا ریکارڈ ترٹ ڳئے۔ وزیراعظم ماضی دا ذکر کریندیں ہوئیں آکھیا جو پیپلز پارٹی دے پہلے دور اچ 13.9 فیصد مہانگ تھئی، پیپلز پارٹٰی دے ݙوجھے دور اچ 8.3 فیصد مہانگ تھئی، ن لیگ دے پچھلے دور اچ بین الاقوامی سطح تے تیل دے نرخ ساریاں توں ڳھٹ ہن پر تحریک انصاف دے پہلے ترائے سالیں اچ 8.5 فیصد مہانگ تھئی اے۔ وزیراعظم آکھیا جو اساں اوکھے حالات توں نکل آیوں، حکومت ہر ویلھے عوام تے ٻوڄھ ڳھٹ کرݨ بارے سوچیندی اے، ملک اتے معیشت ہݨ سدھے رستے تے ٹر پئن۔
پٹرول و ڈیزل دی قیمت 10 روپے فی لٹر اتے بجلی دی قیمت اچ 5 روپے فی یونٹ کمی اتے مستحق خانداناں کیتے مالی معاونت اچ ودھارے دا اعلان ، آندے بجٹ تئیں بجلی اتے پٹرولیم مصنوعات دی قیمت اچ کوئی ودھارا نہ کیتا ویسی ، وزیراعظم عمران خان دا قوم توں خطاب
مضمون کا ماخذ : لاٹری کے انعامات
متعلقہ مضامین
