راولپنڈی۔5اکتوبر(اے پی پی) قانون نافذ کرݨ آلے اداریں ضلع سوات دے ع??اقے چارباغ اچ مشترکہ انٹیلی جنس بیسڈ آپریشن اچ ݙو خوارجی دہشت گرداں کوں ہلاک کرݙتا۔ پاک فوج دے شعبہ تعلقات عامہ (آئی ایس پی آر) توں جاری بیان اچ آکھیا ڳئے جو شدید فائرنگ دے تبادلے اچ خوارجی گروہ دے سرغنہ سودھے ݙودہشت گرد ہلاک تھئن جݙاں جو ھک خوارجی کوں زخمی حالت اچ گرفتار کرڳھدا ڳئے ۔ خوارجی عطا اللہ عرف مہران علاقے اچ دہشت گردی دی ٻ??وں سرگرمیاں اچ فعال طور تے ملوث رہیے جیں اچ 22 ستمبر ک??ں سوات اچ غیر ملکی معززین دے قافلے دی حفاظت تے مامور پولیس دی گاݙی تے دیسی ساختہ دھماکہ کرݨ وی شامل اے ۔ علاقے اچ پاتے ونجݨ آلے ٻئے خوارجی دہشت گرداں کوں مکاوݨ سانڳے ع??اقے اچ کلیئرنس آپریشن جاری اے ۔ سیکیورٹی فورسز قانون نافذ کرݨ آلے اداریں نال رل تے ملک توں دہشت گردی دی لعنت مکاوݨ سانڳے پرعزم اے ۔
