اسلام آباد ۔ 27 اگست (اے پی پی) صدر مملکت ڈاکٹر عارف علوی ٹاسک فورس برائے ایمرجنگ ٹیکنالوجیزدے تحت انٹرنیٹ ووٹنگ (آئی ووٹنگ) بارے ذیلی کمیٹی بنڑاونڑ دی تعریف کیتی اے اتے ایں اقدام کوں بیرون ملک مقیم پاکستانیاں کیتے قابل اعتماد اتے بلاخوف و خطر ووٹ ڈیونڑ کیتے اہم سنگ میل قرار ڈتے۔ڈسایا گئے جو وزارت انفارمیشن ٹیکنالوجی اینڈ ٹیلی مواصلات (ایم او آئی ٹی) صدر دی ہدایت تے بیرون ملک مقیم پاکستانیاں کیتے انٹرنیٹ ووٹنگ (آئی ووٹنگ) کوں ایمرجنگ ٹیکنالوجیزدے اہم جزو دے طور تے شامل کیتے جیندے نال آئی ووٹنگ بارے ذیلی کمیٹی بیرون ملک مقیم پاکستانیاں دی مددسودھا بیلٹ رازداری اتے حفاظت یقینی بنڑیسی۔ ذیلی کمیٹی اچ چیئرمین نادرا، ڈائریکٹر جنرل انفارمیشن ٹیکنالوجی، الیکشن کمیشن آف پاکستان اتے ہائر ایجوکیشن کمیشن، ایم او آئی ٹی ٹی اتے نسٹ دے نمائندے شامل ہین۔
مضمون کا ماخذ : لاٹری جیتنے کے نمبر
