اسلام آباد۔26اکتوبر(اے پی پی)وفاقی وزیر داخلہ شیخ رشید احمدآکھیے جو ڈی جی آئی ایس دے معاملے تے افواہیں مُک ستین، ثابت تھئے جو پاک فوج اتے حکومت ہک ہین، ٹی ایل پی دے فرانسیسی سفیر دی بیدخلی دے علاوہ سارے مطالبات من ڳھدن، امید اے جو معاملات چنڳے طریقے نال ??ل ٻیھ تے حل تھی ویسن۔ اسلام آباد اچ میݙیا نال الیندے انہاں آکھیا جو لیفٹیننٹ جنرل ندیم احمد انجم دی تعیناتی دا نوٹیفکیشن جاری تھی ڳئے، لیفٹیننٹ جنرل فیض حمید 19 نومبر تئیں ڈی جی آئی ایس آئی رہسن، اڄ افواہیں مُک ستین اتے ثابت تھئے جو وزیراعظم اتےافواج پاکستان ہکے صفحے تے ہین، ایں معاملے تے کوئی ابہام کاعنا ہئی صرف ہک تکنیکی معاملہ ہا جیڑھا توڑ پڄ ڳئے۔ انہاں آکھیا جو کا??عدم ٹی ایل پی نال رابطے اچ ہاں، کا??عدم تنظیم منگل تئیں رستہ کھولݨ دا وعد?? کیتا ہا، اساان ملکا چ امن چاہندوں، امید اے جو او پاکستان دی چنڳا??ی سچیسن اتے کوئی بدمزڳی نہ کھنݙیسن۔ انہاں آکھیا جو کا??عدم تنظیم دے فرانسیسی سفیر دی بے دخلی دے علاوہ سارے مطالبات من ڳھدن، جیکر معاملہ پارلیمنٹ اچ ڳھن ڳئے تاں اپوزیشن رل ویسی اتے مسلہ پیدا کریسی، ٹی ایل پی ہک نکاتی ایجنڈے تے غور کرے۔
ڈی جی آئی ایس دے معاملے تے افواہیں مُک ستین، ٹی ایل پی دے فرانسیسی سفیر دی بیدخلی دے علاوہ سارے مطالبات من ڳھدن، وزیر داخلہ شیخ رشید دی پریس کانفرنس
مضمون کا ماخذ : گرم سے زیادہ گرم
متعلقہ مضامین
