اسلام آباد۔3نومبر(اے پی پی) الیکشن کمیشن آف پاکستان(ای سی پی) 14 نومبر کوں تھیوݨ آلے کنٹونمنٹ دے ضمنی انتخابات تے سیکیورٹی اداریں سانڳے ہدایات جاری کریندے انھاں کوں غیر جانبدارتے نیوٹرل رہندے قانون تے سختی نال عمل کرݨ دی ہدایت کیتی اے ۔ قانون نافذ کرݨ آلے اداریں سانڳے ھک جامع ضابطہ اخلاق اچ انتخابی نگران ادارے پرامن ووٹنگ دے ماحول کوں ود??ارا ݙیندے غیر جانبداری برقرار رکھݨ، پریزائیڈنگ افسر دی مدد کرݨ، رائے دہندگان کوں رہنمائی ݙیوݨ ، ݙراوݨ دھمکاوݨ کوں روکݨ تے قانون دے منصفانہ نفاذ دی لوڑھ تے زور ݙتے۔ 14 نومبر 2024 کوں کنٹونمنٹ بورڈ دے ضمنی انتخابات سانڳے الیکشن کمیشن دے جاری کیتے ڳئے ضابطہ اخلاق موجب پولیس سودھے قانون نافذ کرݨ آلے اداریں دے اہلکار راولپنڈی کینٹ دے وارڈ نمبر 06، واہ کینٹ دے وارڈ نمبر 04 تے 08 اتے پنو عا??ل کینٹ دے وارڈ نمبر 02، 04 سودھے پولنگ اسٹیشنز دے ٻاہر آزادانہ، منصفانہ اتے شفاف ماحول کوں یقینی بݨاون تا?? جو ووٹ پاوݨ ویلھے رائے دہندگان توں کہیں وی قسم دی زبردستی ووٹ گھنݨ یا ݙرایا دھمکایا نہ ونڄ سڳے ۔ پولنگ اسٹیشناں تے تعینات سیکیورٹی فورسز کوں ایجھے کہیں وی اقدام توں ھک پاسے رہݨا چاہیدے جیڑھا جوسیاسی جماعتاں یا امیدواراں دی حمایت یا مخالفت کرے۔ انہاں کوں نظم و ضبط برقرار رکھݨ تے بلا تعطل ووٹنگ یقینی بݨاوݨ سانڳے پریزائیڈنگ افسر نال مکمل تعاون کرݨ دی لوڑھ اے ۔
