اسلام آباد۔9 نومبر(اے پی پی) سپیکر قومی اسمبلی اسمبلی اتے سینیٹ اچ پارلیمانی رہنماؤاں دا اجلاس (کل ) سݙ ڳھدے، عسکری حکام ولوں قومی سلامتی دے معاملے تے بریفنگ ݙتی ویسی۔اجلاس کل 11 نومبر کوں ݙوپہر ݙو وجے کمیٹی روم نمبر ݙو اچ تھیسی۔۔قومی اسمبلی سیکرٹیریٹ ولوں پارلیمانی رہنماؤاں دا اجلاس سڈݨ سانگے نوٹس جاری کر ݙتا ڳئے۔ پاکستان تحریک انصاف توں ڈپٹی پارلیمانی لیڈر مخدوم شاہ محمود قریشی، مسلم لیگ ن توں خواجہ محمد آصف کوں اجلاس اچ سݙیا ڳئے۔ پاکستان پیپلز پارٹی پارلیمنٹرین توں بلاول بھٹو زرداری، ایم ایم اے توں اسعد محمود اتے پاکستان مسلم لیگ توں چوہدری طارق بشیر چیمہ کوں سݙیا ڳئے۔بلوچستان نیشنل پارٹی توں محمد اختر مینگل، ایم کیو ایم توں ڈاکٹر خالد مقبول صدیقی، بلوچستان عوامی نیشنل پارٹی توں خالد حسین مگسی کوں اجلاس اچ سݙیا ڳئے۔جی ڈی اے توں غوث بخش خان مہر، عوامی مسلم لیگ توں شیخ رشید احمد اتے عوامی نیشنل پارٹی توں امیر حیدر اعظم خان کوں وی سݙیا ڳئے۔
سپیکر قومی اسمبلی ‘ قومی اسمبلی اتے سینیٹ اچ پارلیمانی رہنماؤاں دا اجلاس (کل ) سݙ ڳھدے، عسکری حکام ولوں قومی سلامتی دے معاملے تے بریفنگ ݙتی ویسی
مضمون کا ماخذ : ایزٹیک واریر شہزادی
متعلقہ مضامین
