اسلام آباد۔11نومبر(اے پی پی)وفاقی وزیر اطلاعات و نشریات سینیٹر شبلی فراز آکھیے جو مریم نواز دی تقریراں نال ݙس ڳئے جو اے لوک شکست من چکین،ناکامی اتے شکست انہاں دا مقدر اے، اے لوک گلگت بلتستان دے جمہوری عمل اچ وی رلیے ودن اتے جمہوریت دے خلاف ڳالھیں وی کریندن۔ مریم نواز دے خطاب دے ولدے اچ شبلی فراز آکھیا جو اے انہاں دی جمہوریت اتے آئین نال پاسداری اے، اے سیاسی بد حواسی نئیں تاں ٻیا کیا اے؟قوم انہاں کوں بددعائیں ݙیندی پئی اے جیڑھے اپݨے کھیسے بھر تے عوام کوں ݙیوالا کر ڳین۔ انہاں آکھیا جو مریم صاحبہ! شیر دی کھل پاوݨ نال کوئی شیر نئیں بݨ ویندا، قوم انہاں کاغذی شیراں کوں سنڄاݨدی اے جیڑھے اپݨے کارکناں کوں چھوڑ تے صندوقاں سودھے ملک تآں بہڄ أین،ہݨ اے لندن اچ قانون دے مفرور ہین جیندی زبان توں قومی وقار اتے ملکی مفاد وی نئیں بچیا۔
مضمون کا ماخذ : پشاور لاٹری
