اسلام آباد۔2فروری (اے پی پی):وزیر داخلہ شیخ رشید احمد آکھیے جو پاکستان اتے برطانیہ دا مجرماں دی حوالگی متعلق معاہدے کوں وختی چھیکڑی شکل ݙیوݨ تے اتفاق کیتے ۔منگل کوں وزیر داخلہ شیخ رشید احمد نال پاکستان اچ برطانیہ دے ہائی کمشنر کرسٹیئن ٹرنر ملاقات کیتی جیں اچ پاکستان دے برطانیہ دے ݙو پاسے تعلقات تے سانجھی دلچسپی دے امور تے ڳالھ مہاڑ کیتی ڳئی ۔ ملاقات اچ پاکستان اتے برطانیہ دے درمیان مجرمان دی حوالگی متعلق معاہدے دے حوالے نال پیشرفت دا جائزہ ڳھدا ڳے تے وزیر داخلہ اتے برطانوی ہائی کمشنر معاہدے کوں وختی چھیکڑی شکل ݙیوݨ تے اتفاق کیتے ۔ وزیر داخلہ شیخ رشید احمد ایں موقع تے ڳالھ مہاڑ کریندے ہوئیں آکھیے جو پاکستان اتے برطانیہ دے پراݨے تعلقات ہن، ݙوہیں ملکاں دے عوام وچال گھاٹے تعلقات ن ۔انہاں آکھیے جو برطانیہ دی پاکستان متعلق مثبت سیکورٹی ایڈوائس دی وجہ توں ملک کوں ٻہوں فیدہ تھئے ۔
