اسلام آباد۔4اپریل (اے پی پی):وزیرخارجہ مخدوم شاہ محمودقریشی آکھیے جو جنوبی پنجاب سیکرٹریٹ دے حوالے نال جاری تھیوݨ آلے نوٹیفکیشن دی تحقیقات کیتیاں ویسن جݙاں تئیں تحقیقات مکمل نی تھیندیاں کہیں تے انگلی نہ چیساں تے ایں حوالے نال سنوار کوں میں وزیراعلی پنجاب سردارعثمان بزدار نال ملاقات کریندا پیاں تاں جو معاملے دی تہہ تئیں پڄیا ونڄ سڳے ۔ اے ڳال انہاں اتوار دے ݙینھ رضا ہال ملتان اچ میڈیا نال ڳال مہاڑ کریندے ہوئیں آکھی اے ۔شاہ محمودقریشی آکھیے جو پاکستان تحریک انصاف عوام نال کیتے ڳے وعدے تے منشور مطابق اڳوں تے ودھدی پئی اے ، انہاں آکھیے جو میں ملک عامرڈوگر، محسن لغاری، ڈاکٹر اختر ملک سودھے جنوبی پنجاب دے بئے اراکین اسمبلی دا مشکورہاں جنہاں ایں نوٹیفکیشن دافوری نوٹس ڳھدے ۔میں ہارٹ آف ایشیا کانفرنس اچ شرکت کیتے تاجکستان ڳیا ہویا ہم جتھاں میݙے پتر زین قریشی ایں حوالے نال ݙسایا تے میکوں نوٹیفکیشن نال حیرانگی تھئی ۔
