اسلام آباد۔12مارچ (اے پی پی):وزیراعظم عمران خان ہدایت کیتی اے جو آندے کجھ مہینے تئیں گیس دی قیمت نہ ودھائی ونڄے۔کݨک دی ضرورت کوں سامݨے رکھیندے ہوئیں حکومتی تے نجی شعبے ولوں مستقل اچ کݨک دی درآمد دے فیصلے وختی ڳھدے ونڄن جݙاں جو وزیراعظم ݙسائے جو رمضان اچ 7ارب روپے دے پیکیج دی منظوری ݙتی ڳئی اے ۔ اے ڳالھ انہاں ڄمعے کوں اٹا ، کھنڈ تے ٻیاں ضرور?? چیزاں دیاں قیمتاں دے حوالے نال جائزہ اجلاس دی صدارت کریندے ہوئیں آکھی اے ۔اجلاس اچ وفاقی وزراء مخدوم خسرو بختیار، ڈاکٹر عبدالحفیظ شیخ، مح??د حماد اظہر، سید فخر امام، عمر ایوب، اسد عمر ، معاونین خصوصی ندیم بابر، ڈاکٹر وقا?? مسعود، تابش گوہر، سابق وزیرخزانہ شوکت ترین، وفاقی سیکرٹریز تے بئے سینئر افسراں شرکت کیتی ۔اجلاس اچ بنیادی ضرور?? چیزاں ??ٹے دیاں قیمتاں اچ استحکام ، کھنڈ دی موجود قیمت گھٹ کرݨ دے حوالے نال اقدامات ، گیس پٹرول دیاں قیمتاں دے حوالے نال معاملات تے غور کیتا ڳئے ۔ وزیراعظم حکومتی معاشی ٹیم کوں ہدایت کیتی اے جو حکومت ولوں ٹارگٹڈ سبسڈی سکیم متعارف کیتے ونڄݨ تئیں ??ٹے دیاں قیمتاں اچ استحکام کوں یقینی بݨایا ونڄے ۔
