اسلام آباد۔15ستمبر(اے پی پی) چین اچ عالمی تجارتی کانفرنس اچ پاکستان توں 150 مختلف کاروباری مندوبین شرکت کریندے پئن ،وزیراعظم شہباز شریف دے جون دے دورہ چین دے مثبت اتے واضح اثرات سامݨے آوݨ شروع تھی ڳئن ۔ و??ار?? تجارت توں جاری اعلامیہ موجب وفاقی وزیر تجارت جام کمال خان اتے وفاقی وزیر سرمایہ کاری بورڈ ع??دالعلیم خان عالمی تجارتی میلے توں وڈیو لنک تے خطاب کیتے۔وفاقی وزرا ء آکھیے چین تے پاکستان یک جان ݙو قالب ہن،مستقبل اچ ݙو طرفہ تعاون م??ید ودھسی۔ جام کمال خان آکھیے پاکستان دی وزرات تجارت بزنس کمیونٹی نال مکمل طور تے “آن بورڈ” اے،پاکستان تے چین وچال تجارتی حجم م??ید ودھیسوں ، ایں کانفرنس توں مستقبل اچ پاک چین تعاون دے نویں رستے کھلسن ۔وفاقی وزیر عبدالعلیم خان اپݨے خطاب اچ آکھیے سرمایہ کاری سانڳے پاکستان اچ فضاء ساز گار،چنڳے نتیجے سامݨے آسن ،چین توں صنعتاں دی منتقلی چنڳی ،کاروباری برادری کوں فیدہ تھیسی ،چین دی انٹرنیشنل کانفرنس اچ پاکستان دی بھر پور نمائندگی حوصلہ افزا امر اے۔و??ار?? تجارت دی ہدایت تے بیجنگ اچ پاکستانی سفارت خانہ تجارتی وفد دی بھر پور میزبانی کیتی ،وفاقی وزراء عبدالعلیم خان اتے جام کمال خان کامیاب کانفرنس کراوݨ تے سفارتی عملے دیاں کوششاں دی تعریف کیتی۔
