اسلام آباد 22 اپرېل (اے پي پي) د اطلاعات او خپرونو وفاقي وزيرې مريم اورنګزېب وئېلي دي د عمران خان معاشي ترهه ګرۍ نتيجو سره د پاكستان اولس مخ دے٬عمران خان له به د خپلو غلطو او جرمونو حساب وركول وي٬عمران خان په آئين او پارليمان بريد كړے٬اولس يې بې روزګاره كړے٬هېواد يې غريبۍ سره مخ كړے٬ د دې ټولو به حساب وركول وي٬ټاكنې د اولس جمهوري حق دے٬ټاكنې به په خپل ټاكلې وخت كېږي۔د جمعې په ورځ خبري كنفرنس ته په خپله وېنا كښې وفاقي وزيرې ووئيل د عمران خان تقريرونه د تېرو څلورو كلونو راهسې بدل شوي نه دي٬هغه كله د كرپشن خبره كوي٬كله د مدينې د رياست په نامه سياست كوي او كله د امربالمعروف خبرې كوي۔دې ووئيل عمران خان چې كله د عدم اعتماد تحريك د لارې د پارليمان څخه اوويستلے شو نو هغه د بهر هېواد سازش خبره شروع كړه۔د كومې اصل حقيقت چې د پاكستان اولس ته معلوم دے۔دې ووئيل د عمران خان منافقت نه ختمېږي٬هغه د كرپشن تورونه لګولي خو د يوې روپۍ كرپشن يې نه دې ثابت كړې۔عمران خان يو پلو د مدينې د رياست خبره كوي٬بل پلو وګړي د لوږې مري٬ 60 لكه وګړي بې روزګاره شوي او د ګرانۍ شرح 16 فيصد ته رسېدلې۔دې ووئيل عمران خان په كابينه كښې خپلو كسانو ته ګټه رسولې٬عمران خان د چينو برآمد كولو په سمرۍ لاس ليك كړے٬چې په هېواد كښې د چينو كمے راغلو نو بيا يې درآمد كړل۔دغسې چيني يو په دوه ګران شول۔دې ووئيل د مدينې د رياست ادعا كوونكو كشمير خرڅ كړے٬نن چې څوك د خپلواكۍ غږ پورته كوي دا هغه وګړي دي چا چې د كشمير سودا كړې۔دې ووئيل عمران خان هغه كس دے څوك چې د مودي كمپائن منيجر ؤ ۔ د اطلاعات وزيرې ووئيل عمران خان 73 لكه ډالره مني لانډرنګ كړے۔د عمران خان دفتر دوه نيم كروړه روپۍ كېش وصول كړي كومې يې چې ډكليئر كړې نه دي۔دې ووئيل دغسې په هېواد د قرض بوج زيات شوے۔ 43 زره اربه روپۍ قرض اخستلے شوے٬د هېواد په تاريخ كښې دومره قرض كوم حكومت نه دې اخستے څومره چې د عمران خان په دور كښې اخستلے شوے۔دې ووئيل عمران خان وائي چې غلطي شوې٬دا دې سمه كړی شي٬دغسې عمران خان پخپله په آئين او پارليمان بريد كړے ٬ دې ووئېل د عدم اعتماد په آئيني تحريك د بريد كولو هڅه يې كړې۔د پاكستان اولس هغه د عدم اعتماد تحريك د لارې بهر كړے٬د پاكستان اولس به چرې هم هغه ونه بخښي۔وفاقي وزيرې ووئيل عمران خان د توشه خانې څخه هم غلا كوي٬ په 41 كلونو كښې د هغه آمدن دومره نه دې زيات شوے څومره چې هغه په خپل حكومت كښې زيات كړے۔دې ووئيل عمران خان سره د وزيراعظم كرسۍ وه يا د كاروبار٬عمران خان د 14 كروړه روپو څيزونه په درې كروړه اخستي٬ 58 ډالۍ يې خپل ځان سره اېښودي او نور سامان يې خرڅ كړے٬عمران خان چې كومې ډالۍ د ځان سره اېښودي د هغې روپۍ عمران خان سره د چرته نه راغلي ٬ هغه له به رسيد وركول وي مريم اورنګزېب ووئيل عمران خان خو به وئېل زه به په سائيكل دفتر ته ځم او وزيراعظم هاؤس به په پوهنتون بدلووم۔هغه يو ارب روپۍ په چورلكه خرڅ كړي۔وفاقي وزيرې ووئيل ټاكنې د پاكستان د اولس جمهوري حق دے٬د اسمبلو موده پوره كېدو نه پس به ټاكنې كېږي٬دې ووئيل عمران خان اول د بهر هېواد نه د سازش ذكر كولو بيا يې اسټېبلمشنټ سره د اړيكو خرابېدو خبره كړی٬هغه په اصل كښې د خپل عمل په وجه د اقتدار څخه بهر شوے٬عمران خان د وګړو سره د 2018 ټاكنو څخه وړاندې د يو كروړ نوكرو لوظ كړے ؤ دغسې هغه 60 لكه ځوانان بې روزګاره كړي ۔ دې ووئېل د وړيا داروګانو لوظ كونكې د داروګانو بيعه په زړه پورې زياته كړې۔د دې ټولو حساب به هغه له وركول وي۔دې ووئيل د پاكستان اولس به اوس بيا غلطي نه كوي٬د عمران خان په قول او فعل كښې تضاد دے ٬ هغه چې كومه معاشي ترهه ګري كړې د پاكستان اولس به د هغې څخه خلاصولې شي٬اولس له رېليف وركولو لپاره مونږ مشكل پريكړې كوو۔ د اطلاعات وزيرې ووئيل اولس له به روزګار وركولې شي او وګړي به د غريبۍ څخه خلاصولې شي
د عمران خان د معاشي ترهه ګرۍ نتيجو سره د پاكستان اولس مخ دے٬عمران خان له به د خپلو غلطو او جرمونو حساب وركول وي۔د اطلاعات او خپرونو وفاقي وزيرې مريم اورنګزېب پرېس كنفرنس
مضمون کا ماخذ : وائکنگز گو برزرک
متعلقہ مضامین
.jpg)
