کولمبو ۔ 2 دسمبر (اے پی پی) وزیر خارجہ م??دوم شاہ م??مود قریشی آکھیے جو پاکستان تے سری لنکا وچال پرانڑیں تے گہرے تعلق ہن ، پاکستان، سری لنکا دے نال کئی دہائیاں تے محیط، ان برادرانہ تعلقات کوں مزید مستحکم بنڑاونڑ چاہندے ،ڈوہیں ملکاں سانجھی ، علاقائی اتے عالمی امور تے ??ک ڈوجھے دا تعاون کیتے ، مقبوضہ جموں و کشمیر دے 80 لکھ نہتے اتے مظلوم کشمیریاں کوں بھارتی استبداد توں نجات ڈیوانڑ کیتے پوری دنیااچ ہر فورم تے آواز چیندے پیوں ۔اے گال انہاں سنوار کوں سری لنکا دے وزیر خارجہ ڈائنش گناوردینا نال ملاقات کریندے ہوئیں آکھی اے ۔ ملاقات اچ ڈو پاسے تعلقات، خطے دی صورتحال سمیت سانجھے دلچسپی دے امور تے گال مہاڑ کیتی گی۔ ملاقات اچ وزیر خارجہ اپنڑے ??ری لنکن ہم منصب کوں بطور وزیر خارجہ تقرری تے مبارخ ڈتی ۔ شاہ م??مود قریشی آکھیا جو پاکستان اتے سری لنکا دا ہک چنگاں تعلق اے ۔ وزیر خارجہ اپنڑے ??ری لنکن ہم منصب کوں 5 اگست دے بعد مقبوضہ جموں و کشمیر اچ جاری انسانی حقوق دیاں سنگین خلاف ورزیاں اتے انہاں دے نتیجے اچ خطے کوں درپیش خطریں بارے ڈسیندے ہوئیں آکھیا جو مقبوضہ جموں و کشمیر دے 80 لکھ نہتے، مظلوم کشمیریاں کوں بھارتی ظلم توں نجات ڈیواونڑ کیتے پوری دنیا اچ ہر فورم تے آواز چیندے پیوں ۔انہاں آکھیا جو سری لنکن کرکٹ ٹیم دے اجوکے دورہ پاکستان نال ، پاکستان اچ انٹرنیشنل کرکٹ بحال تھئی اے ۔ اجوکے مہینے دے چھیکڑ تے پاکستان اچ منعقد تھیونڑ آلے ڈو ٹیسٹ میچاں اچ شرکت کیتے سری لنکن ٹیم دی آمد دے منتظر رہسوں۔ وزیر خارجہ اپنڑے ??ری لنکن ہم منصب کوں اپنڑی طرفوں تہنیتی خط وی ڈتا جیں اچ انہاں پاکستان تشریف گھن آونڑ تے اتھاں موجود بدھ مذہب دے تاریخی ورثے ڈیکھنڑ دی دعوت ڈتی گئی اے ۔ سری لنکن وزیر خارجہ ڈائنش گناوردینا سری لنکا آمد تے وزیر خارجہ م??دوم شاہ م??مود قریشی دا شکریہ ادا کریندے ہوئیں آکھیے جو او نویں حکومت دی تشکیل دے بعد سری لنکا دا دورہ کرنڑ آلے پہلے وزیر خارجہ ہن ۔ ڈوہیں وزرائے خارجہ دا خطے اچ امن تے استحکام کیتے سانجھی مشاورت جاری رکھنڑ دا فیصلہ ۔ سری لنکا دے وزیر خارجہ اپنڑے مڈ کیریئر سفارتکاراں دی تربیت، پاکستان دی فارن سروس اکیڈمی توں ڈیواونڑ دی درخواست کیتی جیں کوں وزیر خارجہ م??دوم شاہ م??مود قریشی دلوں قبول کیتا۔ وزیر خارجہ م??دوم شاہ م??مود قریشی اپنڑے ??ری لنکن ہم منصب کوں ڈسایا جو پاکستان معاشی سفارت کاری دا آغاز کرڈتے ?? انہاں سری لنکن وزیر خارجہ کوں آکھیا جو او وختی توں وختی ، اپنڑے ملک دی موثر کاروباری شخصیات دے رلے پاکستان تشریف گھن آون تاں جو انہاں دی ملاقات پاکستان اچ موجود بزنس کمیونٹی نال کروائی ونج سگ?? تے اینویں پاکستان تے سری لنکا وچال ڈو پاسے تجارت اتے سرمایہ کاری دے حجم کوں ودھایا ونج سگ?? ۔
وزیر خارجہ مخدوم شاہ محمود قریشی دی سری لنکا دے ہم منصب ڈائنش گناوردینا نال ملاقات
مضمون کا ماخذ : لاٹری ٹکٹ کی دستیابی
متعلقہ مضامین
