اسلام آباد۔4ستمبر(اے پی پی) وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے جو کراچی اچ جولائی تےاگست اچ معمول توں ودھ مینھ وٹھے ، کراچی اچ پاݨی کڈھݨ دا مسئلہ موجود اے ، اڄوکے مینھ اچ کے۔ الیکٹرک احتیاطی اقدامات دے تحت 300 فیڈر بند کیتن، جیڑھے واقعات پیش آئن انھاں دا تعلق مینھ توں اے ، ایندے اچ کے ۔الیکٹرک دی کوئی غفلت سامݨے نی آئی ، لوڈ شیڈنگ صرف انھاں علاقیں اچ کیتی ویندی پئی اے جتھاں بجلی چوری یا لائن لاسز زیادہ ہن۔ او قومی اسمبلی اجلاس اچ ارکان قومی اسمبلی سید امین الحق، محمد معین عامر پیرزادہ، نکہت شکیل خان اتے رعنا انصا?? دے کے ۔الیکٹرک دتے توجہ کراؤ نوٹس تے جواب ݙیندے پئے ہن ۔ و??اقی وزیر اطلاعات آکھیے کراچی اچ اڄوکے مینھ پاروں کے ۔الیکٹرک احتیاطی اقدامات دے تحت اپݨے 1800 فیڈرز اچوں 300 فیڈرز کوں بند کیتا، اے فیڈرز انھاں جہیں تے بند کیتے ڳئے جتھاں نکاسی آب دا مسئلہ ہئی۔ انہاں آکھیے جولائی تے اگست دے مہینے اچ کراچی اچ معمول توں ودھ مینھ وٹھے ، کرنٹ لگݨ دا کوئی واقعہ پیش نی آیا، 24 ایجھے واقعات تھئن جیڑھے گھراں اچ اندرلی وائرنگ اتے شارٹ سرکٹ پاروں پیش آئن، ھک ایف آئی آر درج تھئی جیں دی تحقیقات تھئی اے جو ایندے اچ کے۔ الیکٹرک دی غفلت سامݨے کائنی آئی اڄوکے مینھ اچ کراچی اچ 24 واقعات رپورٹ تھئن ، 24 ہلاکتاں کائنی ۔ و??اقی وزیر اطلاعات آکھیے جݙاں توں موجودہ حکومت معرض وجود اچ آئی اے، ملک اچ بجلی دے نظام کوں ٹھیک کرݨ سانڳے اقدامات کیتے ویندے پئن ، صرف انھاں علاقیں اچ لوڈشیڈنگ تھیندی پئی جتھاں بجلی چوری یا لائن لاسز زیادہ ہن، لوڈ شیڈنگ ایں تناسب نال کیتی ویندی پئی اے ، وزیراعظم شہباز شریف دے ۔الیکٹرک سودھے ٻئی بجلی د??اں تقسیم کار کمپن??اں دی صلاحیتاں ودھاوݨ سانڳے اقدامات تے مسلسل بریفنگ گھندے پئن۔، انھاں آکھیے کپیسٹی دے مسلے بالکل کائنی ، کجھ علاقیں اچ ٹیکنیکل فالٹ دی وجہ توں لوڈ شیڈنگ تھیندی پئی اے جے ٹیکنیکل فالٹ نہ ہووے تاں لائن لاسز یا بجلی چوری دی وجہ توں لوڈ شیڈنگ تھیندی پئی اے، ، انھاں آکھیے کے۔ الیکٹرک دا معاملہ کمیٹی کوں بھیڄا ویسی تاں جو معزز رکن اسمبلی دے تحفظات دور تھی سڳن ۔ و??اقی وزیر اطلاعات آکھیے کے۔ الیکٹرک سولر اتے ونڈز پاور پراجیکٹس تے آپݨی صلاحیت ودھاوݨ دی کوشش کیتی اے ایندے اچ ست بڈز آئن ، شفاف طریقے نال سولر اتے ونڈز پاو?? دے پراجیکٹ لاتے ویسن ، ایں توں کراچی دے ٻہوں مسئلے مک ویسن ۔ کراچی اچ پاݨی کڈھݨ دا مسئلہ موجود اے، جفاں کراچی اچ نکاسی دا مسئلہ نہ ہوسی ول احتیاط ورتݨی پوندی اے ۔ 300 فیڈرز وی ایں سانڳے بند کیتے ڳئے کپیسٹی پے منٹس تے نیشنل ٹاسک فورس بݨی اے جیڑھی پورے آئی پی پیز دے نظام تے نظرثانی کریندی پئی اے ۔ کے۔ الیکٹرک دے منصوبیں تے وی ٹاسک فورس نظرثانی کریسی ، جیڑھے تحفظات ہن مکائے ویسن ۔ ،کہیں وی ادارے دے بجٹ دی تیاری اچ ایندے آپریشنز اتے مینٹی نینس سانڳے انڄ فنڈ رکھیے ویندن انھاں فنڈ کوں مرمت تے خرچیا ویندے ، جولائی اچ معمول توں ودھ مینھ وٹھے جیڑھے مسئلے آئن مرمت دے کم پاروں کائنی بلکہ نکاسی آب پاروں ہن۔ میئر کراچی مرتضیٰ وہاب نال ایں معاملے اچ چنڳی کوآرڈینیشن رہی اے، نکاسی آب سانڳے انہاں ٻہوں کم کیتے ۔ وزیر توانائی توں درخواست کریسوں کے۔ الیکٹرک دا مینٹی نینس بجٹ ودھایا ونڄے ۔ و??اقی وزیر اطلاعات آکھیے کجھ ݙینھ پہلے خیبر پختونخوا اچ کجھ لوکاں گرڈ اسٹیشن تے دھاوا ٻولیا تے زبردستی فیڈرز آن کیتے، وزیراعلیٰ خیبر پختونخوا نال چنڳے معاملات چلدے پئے ہن جیں طریقے نال گرڈ اسٹیشن تے ونڄ تے انہاں کوں آن کیتا ڳئے کوئی وݙا حادثہ تھی سڳدا ہئی ۔ خدانخواستہ جے کوئی گرڈ اسٹیشن ٹرپ کرڳیا تاں ایں دا ٻہوں ضیان تھیسی پیسکو ایں معاملے تے قانونی کارروائی دا فیصلہ کیتے، ساݙی درخواست اے انھاں معاملات ک??ں رل ٻہہ تے حل کیتا ونڄے ، گرڈ اسٹیشن تے دھاوا ٻولݨ مسئلے دا حل کائںی
