لاہور۔4اکتوبر(اے پی پی) حکومت پنجاب صوبے دے 4 شہراں اچ دفعہ 144 نافذ کرݙتے 3 ضلعیں اچ رینجرز دی خدمات گھن ڳھدن ۔ محکمہ داخلہ پنجاب دے نوٹیفیکیشن موجب لاہور دے بعد راولپنڈی، اٹک اتے سرگودھا اچ وختی طور تے دفعہ 144 نافذ کرݙتی ڳئی اے ۔ راولپنڈی، اٹک اتے سرگودھا اچ جمعہ 4 اکتوبر توں اتوار6 اکتوبر تئیں 3 ݙینھ سانڳے دفعہ 144 نافذ کیتی ڳئی اے جݙاں ج?? لاہور اچ خمیس 3 اکتوبرتوں منگل 8 اکتوبر تئیں دفعہ 144 نافذ اے۔ ایں دوران ہر قسم دے سیاسی اجتماع، دھرنے، جلسے، مظاہرے، احتجاج اتے ایجھیاں ساریاں سرگرمیاں تے پابندی لاݙتی ڳئی اے ۔ حکومت پنجاب لاہور، راولپنڈی اتے اٹک دی ضلعی انتظامیہ دی درخواست تے وفاقی حکومت توں رینجرز دی خدمات وی گھن ڳھدن ۔ ترجمان محکمہ داخلہ موجب 4 اتے5 اکتوبر سانڳے راولپنڈی اچ 4 جݙاں ج?? اٹک اچ رینجرز دی 2 کمپنیاں دی خدمات منگیاں ڳئن ۔ ایویں اٹک اچ ف??نٹ??یر کانسٹیبلری دی 10 پلاٹون وی تعینات کرݨ دی سفارش کیتی ڳئی اے۔ ݙوجھے پاسے لاہور دی ضلعی انتظامیہ دی درخواست تے 5 اکتوبر سانڳے رینجرز دی 3 کمپنیاں دی خدمات ڳھدیاں ڳئن ۔ ترجمان محکمہ داخلہ پنجاب موجب سکیورٹی خطرے پاروں کوئی وی عوامی اجتماع دہشت گرداں سانڳے سافٹ ٹارگٹ تھی سڳدے ۔ امن و امان دے قیام، انسانی جاناں تے املاک دے تحفظ سانڳے دفعہ 144 دے نفاذ نال رینجرز دی خدمات وی ڳھدیاں ڳئن ۔ محکمہ داخلہ لاہور، راولپنڈی، اٹک اتے سرگودھا اچ دفعہ 144 دے نافذ کرݨ دے نوٹیفکیشن جاری کرݙتن تے رینجرز دی خدما?? سانڳے وفاقی وزارت داخلہ کوں مراسلے لکھیے ڳئن۔
