اسلام آباد ۔ 28 مارچ (اے پی پی) وزیراعظم عمران خا?? خمیس کو قومی سلامتی کمیٹی دے اجلاس دی صدارت کیتی۔ایں دوران انہاں آکھیا جو نیشنل ایکشن پلان تے عمل درآمد حکومت دی پہلی ترجیح ہے ،جیرھا جو قومی عزم دا آئینہ دار اتے ملک دی ساری سیاسی جماعتاں دی سانجھی دستاویز ہن۔ حکومت پلان دی روح مطابق عمل کریسی اتے ایندے رستے اچ آونڑ آلی ساری اوکھ تے رکاوٹاں دور کریسوں۔ اجلاس اچ وزیر خارجہ شاہ محمود قریشی، وزیر خزانہ اسد عمر، وزیر تعلیم شفقت محمود، وزیر مذہبی امور نور الحق قادری، وزیر مملکت داخلہ شہریار خا?? آفریدی، ڈی جی آئی ایس آئی، صوبیں دے چیف سیکریٹریز، آئی جیز، صوبائی سیکریٹریز اتے بئے سینئر حکام شرکت کیتی۔ وزیراعظم آکھیا جو پاکستان دہشت گردی دے خلاف جنگ اچ ڈھگ ساراجانی تے مالی نقصان چاتا۔ مسلح افواج، انٹیلی جنس اداریاں اتے بئے قنون نافذ کرنڑ آلے اداریاں دی قربانیاں دے نتیجے اچ اساں دہشت گردی کوں منڈھوں مکائے اتے امن کوں یقینی بنڑائے۔ عمران خا?? آکھیا جو پاکستان کہیں وی شدت پسند گروپ کوں ملک اچ فعال اندر ملک توں باہر کہیں مسلح کاروائی سانگے اپنڑیں سرزمین استعمال کرنڑ دی اجازت نہ ڈیونڑ دا پکا ارادہ کیتا ہوئے ۔ شدت پسندی نال نبڑن دہشت گردی سانگے فنڈنگ کوں روکنڑ ، منی لانڈرنگ اتے حوالہ، ہنڈی وغیرہ کوں روکنڑ سانگے موجودہ حکومت مختلف قنونی اتے انتظامی اقدامات کیتے ہن۔ وزیراعظم ایں جدوجہد کوں چھیکڑ تئیں پجاونڑ سانگے مسلسل اتے چنگی عملی کوششاں د ی ضرورت تے زور ڈتا۔ایں وزیر خزانہ اجلاس کو?? ایف اے ٹی ایف توں متعلق امور اتے ایشیاء۔ پیسیفک گروپ دے نال اپنڑیاں ملاقاتاں بارے بریفنگ ڈتی۔ سیکریٹری داخلہ میجر (ر) اعظم ??لم??ن خا?? اجلاس اچ نیشنل ایکشن پلان تے عمل درآمد اچ پیشرفت بارے ڈسایا اتے سائبر سیکورٹی، منی لانڈرنگ، مدرسہ اصلاحات دے ایشوز اتے پلان کامیب بنڑاونڑ اتے ایندی راہ اچ آونڑ آلی اوکھ کوں دور کرنڑ سانگے کیتی گئی کوششاں بارے ڈسایا ۔ وزیراعظم نیشنل ایکشن پلان تے عمل درآمد سانگے متعلقہ اداریاں اتے محکماں وچال کوارڈینیشن کوں یقینی بناونڑ دے حوالے نال وزارت داخلہ دی کوششاں دی تعریف کیتی۔ اجلاس اچ نیشنل ایکشن پلان دے ہر پہلو تے عمل درآمد سانگے ایکسپرٹس ور??نگ گروپس بنڑاونڑ دا فیصلہ کیتا گیا۔
وزیراعظم عمران خان دا قومی داخلی سلامتی کمیٹی دے اجلاس نال خطاب
مضمون کا ماخذ : sorteos da loteria
متعلقہ مضامین
