اسلام آباد۔6ستمبر(اے پی پی) پاک بحریہ یومِ دفاع و شہدا پاکستان عقیدت اتے جوش و جذبے نال منائے ، ݙینھ دا آغاز بحریہ دی ساریاں مسیتاں اچ ملکی سالمیت اتے خوشحالی سانڳے خصوصی دعاواں نال تھئے ۔ ایں موقع تے1965ء دی جنگ دے شہدا دے ِثواب سانڳے قرآن خوانی کیتی ڳئی ۔ سربراہ پاک بحریہ ایڈمرل نوید اشرف آپݨے سنھیے اچ جنگ ستمبر دے شہداء اتے غازیاں کوں خراج عقیدت پیش کی??ے جنہاں دشمن دی کھلی جارحیت کوں ہرا ݙتا۔اے ݙینھ مادر وطن دے دفاع سانڳے ساݙے اتحاد اتے قربانی دے جذبے دی تجدید دا ݙینھ اے۔ اے یادگارݙینھ قوم اتے مسلح افواج دے ناقابل تسخیررشتے دی وی علامت اے۔نیول چیف اپݨے بحری محافظاں دے کارہائے نمایاں تے لازوال قربانیاں کوں خراج عقیدت پیش کی??ا۔ نیول چیف ایں عزم دا اعادہ کی??ے جو بحری سرحداں دے دفاع تے سمندری تجارتی رستیں دی حفاظت سانڳے پاک بحریہ ہر ویلھے تیار اے ۔ وائس چیف آف دی نیول اسٹاف وائس ایڈمرل اویس احمد بلگرامی نیول ہیڈکوارٹرز اسلام آباد اچ یادگار شہدا تے پُھل چڑھائےاتے شہدا دے گھر آلیں نال ملاقات کیتی ۔مختلف فیلڈ کمانڈ ہیڈکوارٹرز اچ وی شہدا دی یادگاراں تے پُھل چڑھائے ڳئن تے فاتحہ پڑھی ڳئی ۔ بحریہ دے سارے یونٹس اتے تنصیبات اچ پرچم کشائی دیاں تقریبات تھئن۔ایں موقع تے پاک بحریہ دے سارے جہازاں تے یونٹس دی بحری روایات موجب سوہݨا سڄایا ڳئے
