اسلام آباد۔6نومبر(اے پی پی) وفاقی وزیر منصوبہ بندی، ترقی و اصلاحات پروفیسر احسن اقبال آکھیے وزیر اعظم دے وژن موجب اسلام آباد کوں آئی ٹی اتے ٹیکنالوجی دے میدان اچ علاقائی جدت طرازی دامرکز بݨایا ویندا پئے ، اسلام آباد آئی ٹی پارک اچ جدید سہولتاں ݙیوݨ دے ذریعے آئی ٹی کمپنیاں اتے ??سٹ??رٹ اپس کوں تکنیکی اتے انتظامی مدد ݙتی ویسی انھاں اے ڳالھ ٻدھ کوں اتھاں اسلام آباد آئی ٹی پارک منصوبے د?? پیشرفت دے جائزے سانڳے ھک اعلیٰ سطح اجلاس دی صدارت کریندے آکھی۔ اجلاس اچ وزیر انفارمیشن ٹیکنالوجی شیزا فاطمہ خواجہ، وزارت منصوبہ بندی اتے آئی ٹی دے سینئر حکام اتے جنوبی کوریا دے سفیر پارک کی جون سودھے کورین سفارتخانے د?? ٻئے افسر وی شریک تھئں ۔ پروفیسر احسن اقبال اجلاس توں خطاب کریندے وزیر اعظم دے وژن تے زور ݙتا ، جیں دا مقصد اسلام آباد کوں آئی ٹی اتے ٹیکنالوجی دے میدان اچ علاقائی جدت طرازی دا مرکز بݨاوݨا اے ۔ انہاں پاکستان اچ پائیدار ڈیجیٹل معیشت دی بنیاد رکھݨ تے منصوبے د?? وختی تکمیل سانڳے جامع تے مربوط ترقیاتی حکمت عملی اپناوݨ دی اہمیت کوں اجاگر کیتے ۔ اجلاس ا?? ݙسایا ڳئے جو اسلام آباد آئی ٹی پارک 66,893 مربع میٹر رقبے تے مشتمل اے، جیں اچ ݙوتہہ خانے، ھک گراونڈ فلور تے نو اضافی منزلاں ہن۔ اے منصوبہ کوریا دے اقتصادی ترقیاتی معاونت دے فنڈ تے پاکستان دے سرکاری شعبہ دے سالانہ ترقیاتی پروگرام وچال مالی تعاون نال تیار کیتا ویندا پئے ۔ ایں 88.384 ملین ڈالر دی لاگت دے منصوبے اچ 76.310 ملین ڈالر دا قرضہ کورین ایگزم بینک ݙیندا پئے جݙاں جو باقی 12.476 ملین ڈالر حکومت پاکستان دی طرفوں ݙتے ڳئن ۔اجلاس کوں ݙسایا ڳئے جو اسلام آباد آئی ٹی پارک اچ جدید سہولتاں ݙیوݨ دے ذریعے آئی ٹی کمپنیاں اتے ??سٹ??رٹ اپس کوں تکنیکی تے انتظامی مدد ݙتی ویسی ، جیڑھا جو پاکستان کوں عالمی آئی ٹی صنعت اچ مقابلہ کرݨ دے قابل بݨیسی ۔ پارک اچ 120 آفس اسپیسز، ??سٹ??رٹ اپس سانڳے 15 دفتر تے مشتمل انکیوبیشن سنٹر، بزنس سپورٹ سینٹر، صنعت-اکیڈمی رابطہ مرکز، بجلی دی بلاتعطل فراہمی، ٹائر III ڈیٹا سینٹر، R&D آئی ٹی لیبز، آڈیٹوریم اتے ورچوئل کلاس رومز شامل ہن جیڑھا جو تحقیق اتے تربیت د?? ودھارے اچ معاون ہوسن ۔پاکستان اچ جنوبی کوریا دے سفیر پارک کی جون پاکستان نال ایں تاریخی منصوبے تے نیڑے تعاون سانڳے کوریا دے عزم دا اعادہ کیتے تے آئی ٹی مصنوعات دی برآمدات دے موقع بݨاوݨ اچ شراکت داری ودھاوݨ تے کوریا دی دلچسپی ݙکھائی ۔ پروفیسر احسن اقبال ٹیکسلا اچ گندھارا آئی ٹی یونیورسٹی دے قیام دی تجویز ݙتی، جیں دا مقصد تعلیم تے جدت د?? ودھارے کوں مزید تکڑا بݨاوݨاں اے ، انھاں آکھیے حکومت پاکستان ایں منصوبے د?? تحت یونیورسٹی سانڳے زمین ݙیوݨ سانڳے تیار اےتے کوریا دی ھک اعلیٰ تعلیمی ادارے د?? پاکستان اچ موجودگی بݨاوݨ دا خیر مقدم کریندی اے ۔ اے اقدام گندھارا دے قدیم ورثے کوں محفوظ رکھیندے ٹیکسلا کوں ھک جدید تعلیمی مرکز اچ بدالݨ دی کاوش اے، جیڑھا جو خطے اچ تعلیمی فضیلت دے ھک نویں دور دا آغاز ثابت تھیسی
