کراچی۔12مارچ (اے پی پی):صدر مملکت ڈاکٹر عارف علوی آکھیے جو معاشرے دے سارے طبقات کوں قومی دھارے اچ شامل کیتے بغیر ترقی ممکن کائنی، نویں نسل کار خیر دے کماں اچ ودھ چڑھ تے حصہ گھنݨ دے نال نال بدعنوانی دے خلاف کھڑی تھی ونڄے ، ایمان، اتحاد اتے تنظیم دے اصول اساݙے کیتے مشعل راہ ہن، ٻال آپݨی اتے ماحول دی صفائی ستھرائی دا خصوصی خیال رکھن ۔ اے ڳالھ انہاں جمعے کوں پاکستان سکائوٹس سندھ دے زیراہتمام تقریب توں خطاب کریندے ہوئیں آکھی اے ۔ تقریب اچ تریمت اول ثمینہ علوی، پاکستان بوائے اسکائوٹس ایسوسی ایشن دے چیف کمشنر سرفراز قمر، چیف سیکرٹری سندھ و صوبائی کمشنر اسکائوٹس سید ممتاز علی شاہ، پورے ملک توں مختلف اسکاوٹس ایسوسی ایشن دے نمائندیں، اسکاوٹس اتے خصوصی اسکائوٹس شرکت کیتی۔ صدر مملکت آکھیے جو سکائوٹس ہک تربیتی تحریک اے جیڑھا جو تنظیم، نظم و نسق اتے خدمت دی تربیت ݙیندی اے ۔
