اسلام آباد۔7جولائی (اے پی پی):وزیر خارجہ شاہ محمود قریشی آکھیے جو افغانستان اچ دیرتئیں امن کیتے ڳال مہاڑ دے علاوہ کوئی ݙوجھا رستہ کائنی ،امریکا امن مذاکرات اچ ٻہے یا نہ ٻہے افغاناں کوں ایندے اچ ٻہݨا اے ۔ٻدھ کوں افغانستان دی صورتحال دے حوالے نال اپݨے بیان اچ وزیر خارجہ آکھیے جو افغان جھیڑا صرف ڳال مہاڑ نال ہی حل کیتا ونڄ سڳدے ۔آپݨے مستقبل دا فیصلہ افغانیاں کرݨا اے ۔ افغان حکومت اتے طالبان رل ٻہہ تے آپݨے مستقبل دا فیصلہ کرݨا اے جو اساکوں کیڑھی قسم دا افغانستان اتے جمہوریت چاہیدی اے ۔امن دے رستے اچ افغانستان دی بقا اے۔ میݙی تاں پہلے ݙینھ توں خواہش اے جو او رل ٻہہ تے آپݨے معاملات حل کرن ۔امریکی کردار دے حوالے نال وزیرخارجہ آکھیے جو ساریں توں اہم ذمے واری افغان قائدین یا طالبان رہنماواں دی اے ۔افغان عوام امن چاہندی اے ،طالبان کوں وی اے سوچݨا چاہیدے جو او دنیا توں لاتعلق نی رہ سڳدے جے انہاں دنیا اچ آپݨی عزت و وقار ودھاوݨا اے تاں انہاں کوں مین سٹریم اتے انگیج کرݨا ہوسی ۔جے انہاں دنیا کوں انگیج کرݨا اے تاں انہاں کوں تشدد دا رستہ ختم کرݨ تے امن دے رستے کوں اپناوݨا ??وسی ۔وزیر خارجہ آکھیے جو اساں صلاح ݙے سڳدوں فیصلہ نی، فیصلہ انہاں کرݨا اے۔وزیر خارجہ آکھیے جو سݨیج اے جو طالبان وختی امن تجاویز پیش کرݨ آلے ہن جے اینویں تھیندے تاں ول چنڳی پیشرفت ہوسی ۔میݙے خیال اچ دوحہ مذاکرات دی وی امید جھلک ݙک??ال?? ݙیندی پئی اے ، وزیر خارجہ آکھیے جو کوئی طاقت عوام دی صلاح دے سامݨے ٹھہر نی سڳدی ،رائے عامہ کوں ہموار کرݨا پوندے ۔
افغانستان اچ دیرتئیں امن کیتے ڳال مہاڑ دے علاوہ کوئی ݙوجھا رستہ کائنی، وزیر خارجہ شاہ محمود قریشی
مضمون کا ماخذ : اسکریچ کارڈ پاکستان
متعلقہ مضامین
