اسلام آباد۔9اگست (اے پی پی):وفاقی وزیر اطلاعات چوہدری فواد حسین آکھ??ے جو الیکٹرانک ووٹنگ مشین انتخابات اچ شفافیت دا بہترین ذریعہ اے، انتخابات اچ شفافیت دے حوالے نال میکنزم تیار کرݨا ہوسی ، ای وی ایم الیکشن کمیشن دیاں ساریاں شرائط پورا کریندی اے ، ٹیکنالوجی دے حوالے نال سارا کم مکمل اے ، حکومت اتے اپوزیشن وچال اتفاق رائے تھی ڳیا تاں آندے انتخابات ای وی ایم تے کرائے وںڄ سڳدن ۔ ای وی ایم دے استعمال نال دھاندلی دے امکانات گھٹ ہوسن ، انتخابی نتائج فوری دستیاب ہوسن ، ایندے وچ الیکٹرانک ٹریل دے نال پیپر ٹریل وی دستیاب ہوسی۔ اے ڳال انہاں ڈیجیٹل میڈیا ونگ دے نال ھک انٹرویو اچ آکھی اے ۔ وفاقی وزیر اطلاعات آکھ??ے جو الیکٹرانک ووٹنگ مشین تے اساݙا زور ایں سانگے ھے جو اے انٹرنیٹ دے نال منسلک کائنی ، اے مشین موجودہ پیپر بیسڈ نظام توں ھک قدم اڳوں تے ہے ، ایندے وچ الیکٹرانک ٹریل دے نال پیپر ٹریل وی دستیاب ہوسی۔ انہاں آکھ??ے جو عام طور تے انتخابات دے دوران ووٹنگ پنج وڄے مک ویندی اے تے اساکوں نتائج دے انتظار کیتے سویلے تئیں انتظار کرݨا پوندے جݙاں جو الیکٹرانک ووٹنگ مشینز دے استعمال توں انتخابی نتائج فوری دستیاب ہوسن تے دھاندلی دے امکانات وی گھٹ ہوسن ، ھک سوال تے انہاں آکھ??ے جو آزاد کشمیر دے انتخابات اچ حکومت ن لیگ دی ہئی، آزاد کشمیر دے وزیراعظم ن لیگ دے ہن، الیکشن کمیشن دے سینئر ممبر وی آزاد کشمیر دے وزیراعظم دے ہم زلف ہن، چیف الیکشن کمشنر دی تقرری وی آزاد کشمیر حکومت خود کیتی جݙاں جو پولیس اتے انتظامیہ وی انہاں دے تابع ہئی لیکن جݙاں ن لیگ کوں الیکشن اچ شکست تھئی تاں انہاں آکھ??ے جو دھاندلی تھئی اے ۔ وفاقی وزیر اطلاعات آکھ??ے جو آخر ایجھا کیڑھا طریقہ اختیار کیتا ونڄے جو انہاں دے الزامات دور کیتے ونڄ سڳن ، جے او الیکشن ہردن تاں آکھدن جو دھاندلی تھئی تے جت ویندن تاں آکھدن جو انتخابات ٹ??یک تھئن ، ایں حوالے نال ھک میکنزم تیار کرݨا ہوسی جیں توں انتخابات دی شفافیت تے سوال ن?? چاتا ونڄ سڳے ۔ چوہدری فواد حسین آکھ??ے جو وزیراعظم اتے پی ٹی آئی دا موقف اے جو انتخابات اچ شفافیت کیتے ٹیکنالوجی دے پاسے ٹریا ونڄے ، ٹیکنالوجی دے استعمال توں انتخابات اچ فرسٹ ورلڈ دی طرز تے شفافیت آسی ۔ انتخابات اچ ای وی ایم دے استعمال کیتے الیکشن کمیشن دی شرائط بارے ڳال کریندے ہوئیں وفاقی وزیر اطلاعات آکھ??ے جو الیکشن کمیشن 36 شرائط سامݨے رکھئن تے آکھ??ے جو جے کوئی مشین انہاں 36 شرائط کوں پورا کریندی اے تاں او الیکشن اچ استعمال کیتی ونڄ سڳدی اے ، انہاں آکھیے اساں جیڑھی نویں ٹیکنالوجی گھن آیوں، اوالیکشن کمیشن دی ساری شرائط کوں پورا کریندی اے ۔ اسٹیک ہولڈرز دے تحفظات دے حوالے نال وفاقی وزیر اطلاعات آکھ??ے جو اسٹیک ہولڈرز اچ الیکشن کمیشن اتے اپوزیشن جماعتاں شامل ہن ۔ اے مشیناں الیکشن کمیشن دیاں ساریاں شرائط کوں پورا کریندیاں پئن جتھاں اپوزیشن دا تعلق اے تاں انہاں حالی تئیں اے ٹیکنالوجی ݙٹھی وی کائنی۔ انہاں آکھ??ے جو اپوزیشن پہلے انہاں مشیناں کوں ݙیکھے ول آپݨا فیصلہ کرے ۔ ھک سوال دے ولدے اچ چوہدری فواد حسین ݙسایا جو ایں ویلھے انتخابی اصلاحات اچ ترائے طرح دی ٹیکنالوجیز تے ڳال تھیندی پئی اے جنہاں اچ الیکٹرانک ووٹنگ مشین، انٹرنیٹ ووٹنگ اتے بائیو میٹرک شامل ہن، اے ترائی کٹھیاں کائنی ۔ ھک ٻئے سوال تے انہاں آکھ??ے جو ایں ویلھے پنج کمپنیاں ای وی ایم تیار کریندیاں پئن جیڑھی جو الیکشن کمیشن دی شرائط تے پورا لہدن ۔ ہݨ قیمت طے کرݨ دا معاملہ اے، ٹیکنالوجی دے حوالے نال کوئی مسئلہ درپیش کائنی ۔ ھک ٻئے سوال تے انہاں آکھ??ے جو ایں حوالے نال قانونی شرائط دے ݙو حصے ہن، ھک حصہ الیکشن کمیشن کوں اختیارات ݙیوݨ متعلق اے۔ قومی اسمبلی توں ایں ضمن اچ ٻل منظور تھی چکئن جیڑھے ہݨ سینیٹ وچ ہن ۔ سینیٹ دیاں ݙو کمیٹیاں ایں تے کم کریندیاں پئن، سینیٹ دی پولیٹیکل کمیٹی اپوزیشن تے حکومت دے اراکین تے مشتمل اے جیں اچ اے ٻل زیر بحث ہن۔ جݙاں جو سینٹ دی پارلیمانی افیئرز بارے کمیٹی دے اندر وی ایں ٻل تے غور جاری اے ۔ جے سینیٹ اچ ایں ٻل تے مزید ترامیم آیاں تان اے ول قومی اسمبلی اچ آسی تے قومی اسمبلی اچ ایندے تے ول ووٹنگ تھیسی ۔ انہاں آکھ??ے جو حکومت اتے اپوزیشن اچ اتفاق رائے تھی ڳیا تاں وختی عمل درآمد شروع تھی ویسی ۔ آندے انتخابات ای وی ایم تے کراوݨ متعلق سوال تے انہاں آکھ??ے جو آندے انتخابات ای وی ایم تے کراوݨ دے حوالے نال کوئی مسئلہ درپیش کائنی ، ٹیکنالوجی دے حوالے نال کم مکمل تھی چکئے ، اساں مشیناں مل گھن تے استعمال کرݨیاں ہن ۔ اپوزیشن اتے حکومت دے درمیان اتفاق رائے تھی ڳٰا تاں ایندے اڳلے ݙینھ ای وی ایم دی خریداری شروع کیتی ونڄ سڳدی اے اتے آندے انتخابات ای وی ایم تے کرائے ونڄ سڳدن ۔
الیکٹرانک ووٹنگ مشین انتخابات اچ شفافیت دا بہترین ذریعہ اے، حکومت اتے اپوزیشن وچال اتفاق رائے تھی ڳیا تاں آندے انتخابات ای وی ایم تے کرائے ونڄ سڳدن ، وفاقی وزیراطلاعات چوہدری فواد حسین دا ڈیجیٹل میڈیا ونگ کوں انٹرویو
مضمون کا ماخذ : جنگل کا بادشاہ
متعلقہ مضامین
