اسلام آباد۔1دسمبر(اے پی پی) وزارت داخلہ آکھیے پ?? ٹی آئی دی سوشل میڈیا ??ہم پاکستان اچ انتشار بدامنی اتے تفرقہ بازی کوں ودھارا ݙیندی پئی اے۔ اندرلے تے ٻاہرلے ملک ایجھے عناصر دا متعلقہ قوانین دے تحت احتساب کیتا ویسی ،پرتشدد مظاہرین نال 18 خودکار ہتھیاراں سودھے 39 مہلک ہتھیار برآمد تھئن ،وٹھیے ڳئے شرپسنداں اچ ترائے درجن توں ودھ غیر ملکی اجرتی شامل ہن،ڈیوٹی تے متعین ترائے رینجرز اہلکاراں کوں گاݙی چڑھا تے شہید کیتا ڳئے ،پر تشدد مظاہرین ھک پولیس اہلکار کوں وی شہید کیتے ،پ?? ٹی آئی سوشل میڈیا تے ھک منظم پراپیگنڈہ شروع کرݙتے ،آپوں گھڑی ڳعی سوشل میڈیا ??ہم دے دوران پراݨے اتے آرٹیفیشل انٹیلیجنس توں تیار کیتے ڳئے کوڑے کلپس دا استعمال وی کیتا ویندا پئے ،بدقسمتی نال غیر ملکی میڈیا دے کجھ عناصر وی ایں پروپیگنڈہ دا شکار تھی ڳئن ۔ وزارت داخلہ توں جاری پریس ریلیز موجب21 نومبر کوں اسلام آباد ہائی کورٹ وفاقی حکومت کوں امن و امان ہر قیمت تے قائم رکھݨ دی ہدایت کیتی ،ہائی کورٹ وزیر داخلہ کوں ہدایت کیتی جو او امن و امان دے حوالے نال پ?? ٹی ائی قیادت نال رابطہ کرن ،بیلاروس دے صدر اتے اعلی سطحی چینی وفد دے دورے پاروں پ?? ٹی آئی کوں ٻہوں واری احتجاج موخر کرݨ دا آکھیا ڳیا ۔وزارت داخلہ موجب پ?? ٹی آئی دے احتجاج جاری رکھݨ دی ضد تے انہاں کوں سنگجانی جاہ دی تجویز ݙتی ڳئی ،غیر معمولی مراعات بشمول بانی نال ملاقاتاں دے باوجود پ?? ٹی آئی عدالتی احکامات دی خلاف ورزی کیتی،مظاہرین سنگجانی دے بجائے اسلام آباد دے ریڈ زون اچ داخل تھی تے قانون دی خلاف ورزی کیتی۔وزارت داخلہ موجب پر تشدد مظاہرین پشاور توں ریڈ زون تئیں مارچ دے دوران ڈیوٹی تے مامور اہلکاراں کوں نشانہ بݨائے ،مظاہرین اسلحہ بشمول سٹیل سلنگ شاٹس، سٹین گرنیڈ، آنسو گیس شیل اتے کوکے جڑیاں لاٹھیاں وغیرہ دا استعمال کیتا۔وزارت داخلہ موجب پرتشدد احتجاج اچ خیبر پختونخواہ حکومت دے وسائل دا بھرپور استعمال کیتا ڳئے ،پ?? ٹی آئی دے پرتشدد احتجاج اچ تربیت یافتہ شر پسند اتے غیر قانونی افغان شہری وی شامل ہن اے سخت گیر 1500 شرپسند براہ راست مفرور اشتہاری مراد سعید دے ماتحت سرگرم ہن جیڑھا خود وی رلے ہئی ۔وزارت داخلہ آکھیے ایں گروہ عسکریت پسندانہ حکمت عملی دا استعمال کریندے ہوئیں قانون نافذ کرݨ آلے اہلکاراں تے حملہ کیتا ، صوبائی سرکاری مشینری دی مدد نال سڑک تے نصب رکاوٹاں ہٹا تے ݙوجھے شر پسند جتھیں سانڳے رستہ بݨائے ،قانون نافذ کرݨ آلے اداریں دے اہلکاراں پر تشدد مظاہرین دے سامݨے تحمل ڈکھائے ۔وزارت داخلہ موجب اسلام آباد اچ چیک پوسٹ تے ڈیوٹی تے متعین ترائے رینجرز اہلکاراں کوں گاݙی چڑھا تے شہید کیتا ڳئے ،پر تشدد مظاہرین ھک پولیس اہلکار کوں وی شہید کیتے،شرپسنداں دے ہتھوں قانون نافذ کرݨ آلے اداریں دے 232 اہلکار وی زخمی تھئن ۔ پرتشدد مظاہرین سکیورٹی فورسز تے حملہ کیتا تے پولیس دی گاݙیاں کوں بھاہ لاتی ، آئین دے آرٹیکل 245 دے تحت اسلام آباد اچ پاک فوج کوں تعینات کیتا ڳیا ،پاک فوج دی تعیناتی دا مقصد اہم تنصیبات کوں محفوظ اتے غیر ملکی سفارت کاراں دی حفاظت اتے دورے تے آئے اہم وفد سانڳے محفوظ ماحول یقینی بݨاوݨ ہئی ۔وزارت داخلہ آکھیے پولیس اتے رینجرز ایں پرتشدد ہجوم کوں بھڄاوݨ سانڳے براہ راست گولیاں دا استعمال کائنی کیتا ،واضح رہے جو پاک فوج دا ایں پرتشدد ہجوم نال براہ راست کوئی ٹکراؤ کائنی تھیا تے نہ ہی او فسادیاں کوں کنٹرول کرݨ تے تعینات ہئی،بھڄاوݨ دے عمل دے دوران قیادت دے رلے م??لح گارڈز تے مظاہرین دے م??لح شر پسنداں اندھا دھند فائرنگ کیتی،انھاں خود ساختہ پر تشدد حالات اچ پ?? ٹی آئی قیادت صورتحال سنبھالݨ دے بجائے بھڄ ڳئن ،مظاہرین دے علاقے توں فرار وختی بعد وفاقی وزرائے داخلہ اتے اطلاعات متاثرہ علاقے دا دورہ وی کیتا تے پریس ٹاک کیتی۔وزارت داخلہ آکھیے پ?? ٹی آئی سوشل میڈیا تے ھک منظم پروپیگنڈہ شروع کرݙتے ،پروپیگنڈہ اچ مبینہ ہلاکتاں دی ذمہ واری قانون نافذ کرݨ آلے اداریں تے پاوݨ دی مذموم کوشش کیتی ویندی پئی اے ۔وفاقی دارالحکومت دے وݙے ہسپتالاں دی انتظامیہ ہلاکتاں دی رپورٹ دی تردید وی کیتی۔ وزرا ، حکومتی اہلکار، پولیس آفیشلز اتے کمشنر اسلام آباد ول ول مصدقہ ثبوت نال اصل صورتحال دی وضاحت کیتی۔وزارت داخلہ آکھیے قانون نافذ کرݨ آلے اداریں دے اہلکاراں آپݨی جاناں خطرے اچ پاتے پاکستانی شہریاں دی حفاظت کیتی،پ?? ٹی آئی دی سوشل میڈیا ??ہم پاکستان اچ انتشار بدامنی اتے تفرقہ بازی کوں ودھارا ݙیندی پئی اے ۔ اندرلے تے ٻاہرلے ملک ایجھے عناصر دا متعلقہ قوانین دے تحت احتساب کیتا ویسی ۔وزارت داخلہ آکھیے وزیراعلی خیبر پختونخواہ صوبائی اسمبلی کوں اداریں دے خلاف بے بنیاد اتے اشتعال انگیز بیانات سانڳے استعمال کیتے ۔وزارت داخلہ آکھیے جیل وینز کوں بھاہ لاوݨ دے نال قانون نافذ کرݨ آلے اداریں دیاں 11 گاݙیاں کوں ضیان پڄے ،پرتشدد مظاہریں دے دوران ابتدائی اندازیں موجب سینکڑاں ملین دا ضیان تھئے انہاں پرتشدد مظاہریں پاروں معیشت کوں بالواسطہ ضیان دا تخمینہ 192 ارب روپے یومیہ لاتا ڳئے ۔وزارت داخلہ آکھیے پاکستان بشمول خیبر پختونخواہ دے قابل فخر عوام ایں قسم دی پرتشدد سیاست ،بے بنیاد الزام تے بد نیتی تے مبنی پروپیگنڈہ کوں مسترد کریندن ،پوری پاکستانی قوم ملک اچ امن و استحکام دی خواہش ??ے نال ھک مٹھ کھڑی اے۔
