اسلام آباد۔24دسمبر(اے پی پی)صدر مملکت آصف علی زرداری بانیِ پاکستان قائداعظم محمد علی جناح دے 148 ویں ڄمݨ ݙینھ تے انہاں ک??ں خراج عقیدت پیش کریندے آکھیے جو اڄ دے ݙینھ اساں بابائے قوم دی قوم کیتے خدمات تے سلام پیش کریندے ہیں ڄئیں ہک سیاسی جدوجہد نال تاریخ دا رخ موڑیے، قائداعظم محمد علی جناح دے وژن، عزم و استقلال پاروں ہی برصغیر دے مسلماناں کیتے ہک آزاد وطن ٻݨیے۔ قائد اعظم محمد علی جناح دے ڄمݨ ݙینھ تے اپݨے سنیہے اچ صدر مملکت آکھیے جو ساݙی تاریخ دے نازک ترین دور اچ قائداعظم دی قیادت انہاں دیاں غیر معمولی صلاحیتاں دا ثبوت اے، انہاں ہک وکیل، مدبر اتے آل انڈیا مسلم لیگ دے رہنما دے طور تے مسلماناں دے حقوق دی بھرپور وکالت کیتی اتے پاکستان دا مقدمہ ٻہوں وضاحت اتے یقین نال پیش کیتے، بابائے قائد ہک اینڄھا انڄھ وطن ڳھنݨ دی جدوجہد کیتی جتھاں مسلمان آزادی نال اپݨے مذہب، ??ہذیب و ثقافت اتے سیاسی و معاشی حقوق دا تحفظ کرسڳن۔ بابائے قائد دے وژن دے مطابق اساں پاکستان اچ قانون دی حکمرانی، اقلیتاں دے حقوق دے تح??ظ اتے ہر شہری، بلاتفریق مذہب، ??ات و نسل ریاست دے سامݨے ہکو سواں ٻݨاوݨ کیتے پرعزم ہیں۔ صدرمملکت آصف علی زرداری آکھیے مختلف شعبیاں اچ ترقی دے نال نال ہک خوشحال اتے انصاف آلی قوم ٻݨݨ دا پندھ ٹردا پئے، جمہوری اتے خود کفیل پاکستان دے وژن سانڳے سماجی انصاف، معاشی مساوات اور قانون دی حکمرانی دی اقدار برقرار رکھݨ کیتے حالی وݙا کم کرݨ دی لوڑھ اے، ہک پرامن اتے اعتدال پسند پاکستان دے خواب دی تکمیل کیتے ساکوں اپݨیاں سرحداں دے اندرو اتے ٻاھرو ہم آہنگی ودھاوݨی اے۔
قائداعظم محمد علی جناح دے وژن، عزم و استقلال پاروں ہی برصغیر دے مسلماناں کیتے ہک آزاد وطن ٻݨیے، صدر مملکت آصف علی زرداری دا بابائے قائد دے ڄمݨ ݙینھ تے سنیہا
مضمون کا ماخذ : تھنڈرسٹرک II
متعلقہ مضامین
