بیجنګ۔7جون(اے پی پی) د وزيراعظم شهباز شريف په درناوي كښې د چين وزيراعظم لي چيانګ لخوا د غرمې په زړه پورې مېلمستيا وكړې شوه۔ د چين وزيراعظم لی چیانګ د وزیراعظم شهباز شریف تود هركلے وكړو۔ د جمعې په ورځ د وزيراعظم آفس ميډيا ونګ لخوا د جاري شوي بيان له مخې وزیراعظم شهباز شریف د ورورولۍ جذبات په ښودلو او په زړه پورې مېلمستيا كولو د خپل همڅنګ لی چیانګ مننه وكړه۔ ده ووئيل چين عظيم او د باور وړ ملګرے هېواد دے ٬ د چين په پرمختګ پاكستان وياړ لري۔ د چين وزيراعظم ووئيل زه ستا د جذبې ٬ د كار رفتار او د لوظ پاللو ستائنه كوم۔ په دې موقع د پاكستاني ملي نغمو سازونو د مېلسمتيا دستورې خوند لا زيات كړو۔ د وزیراعظم شهباز شریف د چین خپل همڅنګ سره دستورې ته د راتللو په مهال د چين پوځي بېنډ د پاکستان ملي نغمو سازونه وغږول ۔ د ”دِل دِل پاکستان“، ”دل سے میں نے دیکھا پاکستان، جاں سے میرا دھرتی پہ ایماں“، ” میں بھی پاکستان هوں تو بھی پاکستان ہے” او د “جیوے جیوے پاکستان“ سازونه وغږولې شول۔ دواړو وزيراعظمانو په لاسونو پړقولو د سازونو غږوولو ستائنه وكړه
د وزيراعظم شهباز شريف په درناوي كښې د چین وزیراعظم لی چیانګ لخوا د ماسپخين په زړه پورې ميلمستيا
مضمون کا ماخذ : اسٹریٹیجیا لاٹوفاسیل
متعلقہ مضامین
