مینگورہ۔6نومبر (اے پی پی):وزیر اعظم عمران خان آکھیے جوپاکستان دے سارے وݙے وݙے ڈاکو کٹھے تھی ڳن تے این آر او منگدے پن ، این آر او نہ ملݨ تے ہݨ پاکستان دی فوج تے عدلیہ تے حملے کرتے نویں گیم شروع کرݙتی اے ، فوج کوں اکسیندے پن ایندے توں ودھ ملک دشمنی کیا تھی سڳدی اے ، نواز شریف گیدڑاں وانگوں باہر ٻہہ تے ڳالھیں کریندا پے،انہاں دے پتر پیسے چوری کرتے ٻاہر ٻیٹھن ، دھی اتھاں فوج دے خلاف ٻولیندی پئی اے تریمت ہووݨ پاروں احترام کریندوں ایں کیتے کجھ نی اکھیندے ، شریف اتے زرداری کوں این آر او ݙے تے ملک دے نال ساریں توں وݙا ظلم کیتا ڳے ، قانون دی بالا دستی قائم کر تے پاکستان کوں ریاست مدینہ دی طرز تے فلاحی ریاست بݨیساں ۔اے ڳال انھاں جمعے کوں خیبر پختونخوا اچ سارے شہریاں کوں صحت سہولت کارڈ ݙیوݨ دے منصوبے دے افتتاح دے موقع تے مینگورہ اچ عوامی اجتماع توں خطاب کریندے ہوئیں آکھی اے ۔ایں موقع تے گورنر خیبر پختونخوا شاہ فرمان، وزیر اعلیٰ محمود خان، وفاقی وزیر مواصلات مراد سعید، وفاقی و صوبائی وزرا، ارکان اسمبلی ، عمائدین اتےعلاقے دے عوام دی وݙی تعداد موجود ہئی .
این آر او نہ ملݨ تے ہݨ پاکستان دی فوج اتے عدلیہ تے حملے کرتےنویں گیم شروع کرݙتی اے ، وزیر اعظم عمران خان
مضمون کا ماخذ : Aztec خزانے
متعلقہ مضامین
