اسلام آباد ۔ 13 جنوری (اے پی پی) چیئرمین جوائنٹ چیفس آف سٹاف کمیٹی جنرل ندیم رضا نیول ہیڈکوارٹرز دا دورہ کیتا، نیول چیف ایڈمرل ظفر محمود نال ملاقات کیتی جیں اچ پیشہ ورانہ امور اتے خطے دی مجموعی سیکیورٹی صورتحال تے گال مہاڑ کیتی گئی ۔ ترجمان پاک بحریہ دے مطابق نیول ہیڈکوارٹرز آمد تے پاک بحریہ دے سربراہ ایڈمرل ظفر محمودعباسی معزز مہمان دا استقبال کیتا۔ پاک بحریہ دے چاق و چوبند دستے چیئرمین جوائنٹ چیفس آف سٹاف کمیٹی کوںگارڈ آ ف آنر پیش کیتا۔ معزز مہمان دا پرنسپل سٹاف آفیسرز نال تعارف کرایا گیا۔ بعدااچ چیئرمین جوائنٹ چیفس آف سٹاف کمیٹی پاک بحریہ دے سربراہ نال ملاقات کیتی ۔ نیول چیف جنرل ندیم رضا کوں نویاں ذمے واریاں سنبھالنڑ تے مبارخ ڈتی ۔نیول چیف ایں عزم دا اعادہ کیتا جو پاک بحریہ مسلح فوج دے سانجھے شعبیں اچ تعاون تے ہم آہنگی کیتے کردار ادا کریندی رہ ویسی ۔ چیئرمین جوائنٹ چیفس آف سٹاف کمیٹی کوں نیول ہیڈ کوارٹرز اچ مختلف آپریشنل امور تے بریفنگ وی ڈتی گی ۔چیئرمین جوائنٹ چیفس آف سٹاف کمیٹی خطے اچ سمندری تحفظ کیتے پاک بحریہ دیاں پیشہ وارانہ صلاحیتاں اتے کارکردگی دی تعریف کیتی ۔
چیئرمین جوائنٹ چیفس آف سٹاف کمیٹی دا نیول ہیڈ کوارٹرز دا دورہ
مضمون کا ماخذ : اسکریچ کارڈ کا انعام
متعلقہ مضامین
