اسلام آباد ۔ 29 جنوری (اے پی پی) کابینہ دی اقتصادی رابطہ کمیٹی (ای سی سی) وزارت خزانہ دی تجویز تے سٹیٹ بنک آف پاکستان کوں ہاوس بلڈنگ فنانس کمپنی لمیٹڈ(ایچ بی ایف سی ایل)اچ اپنڑے شیئرز ویچنڑ دی اجازت اتے پاکستان سٹیل ملز دے ذمہ سوئی سدرن گیس کمپنی دے واجب الادا گیس بلاں دی ادائیگی دی مداچ 35 کروڑ روپے دے اجراءدی منظوری ڈتی اے۔اقتصادی رابطہ کمیٹی دا اجلاس وزیر اعظم دے مشیربرائے خزانہ و محصولات ڈاکٹر عبد الحفیظ شیخ دی زیر صدارت تھئے جیندے اچ وزارت خزانہ دی تجویز تے پاکستان مورگیج ریفائنری کمپنی لمیٹڈ کیتے عالمی بنک توں گھدے گئے 14 کروڑ ڈالر قرضہ دی ہک کروڑ ڈالر رقم دی تریجھی قسط کیتے رسک شیئرنگ سہولت سانگے ٹرسٹ فنڈ دے قیام دی منظوری ڈتی گئی۔کمیٹی وزارت خزانہ دی تجویز تے سٹیٹ بنک آف پاکستان کوں ہاوس بلڈنگ فنانس کمپنی لمیٹڈ(ایچ بی ایف سی ایل)اچ اپنڑے حصص ویچنڑ دی وی اجازت ڈتی جڈاں جو مالی سال 2019-20کیتے اخراجات پورا کرنڑ سانگے 80 ملین روپے دی تکنیکی ضمنی گرانٹ منظور کیتی گئی۔ای سی سی وزارت انفارمیشن ٹیکنالوجی اینڈ ٹیلی مواصلات دی تجویز تے ای گورنمنٹ پروگرام سانگے انفارمیشن کمیونی کیشن ٹیکنالوجی انفرا سٹرکچر دی مرکزی خریداری کیتے 10 کروڑ روپے دی تکنیکی ضمنی گرانٹ دی منظوری وی ڈتی۔
کابینہ دی اقتصادی رابطہ کمیٹی سٹیٹ بنک آف پاکستان کوں ہاوس بلڈنگ فنانس کمپنی لمیٹڈاچ شیئر ویچنڑ دی اجازت ڈے ڈتی
مضمون کا ماخذ : کوئی شہزادی۔
متعلقہ مضامین
