نیویارک۔26ستمبر(اے پی پی)وزيراعظم شهباز شريف په غزه كښې د اسرائيلي ظلمونو سخته غندنه كړې او وئيلي يۍ دي چې اسرائيل د فلسطينيانو نسل كشي او د وحشت مظاهره كوي ٬ د پاكستاني اولس زړونه فلسطيني ورونړو سره درزيږي٬ پاكستان د فلسطيني ورونړو هره ممكنه مرسته كړې ده كه د فلسطينې مسئله لا اوږده كړې شوه نو د نړۍ امن لمينځه تللے شي٬ ملګري ملتونه دې فلسطين يو آزاد رياست جوړېدل باوري كړي۔ ددې خيالاتو څرګندونه ده د زيارت په ورځ د ملګرو ملتونو د عمومي اسمبلې د ۷۹مې غونډې په موقعه د فلسطين صدر محمود عباس سره ملاقات او ميډيا سر خبرو كښې وكړه۔ وزيراعظم شهباز شريف ووئيل اسرائيل د فلسطينيانو نسل وژنه او د بربريت مظاهره كوي۔ ده د اسرائيلي ظلم او زياتي سخته غندنه وكړه۔ ده ووئيل د پاکستان اولس زړونه خپلو فلسطيني ورونړو سره درزيږي ٬ وخت راغلے چې چې مونږ ټول يو موټې كېدو سر ه په غزه كښې د جنګ بندۍ غوښتنه وكړؤ٬ نړۍ دې د فلسطين آزاد رياست جوړېدل باوري كړي٬ له آزاد فلسطين پرته په منطقه كښې تلپاتے امكان نه لري٬ كه د فلسطينې مسئله نوره هم اوږده كړې شوه نو د نړۍ امن له مينځه تللې شي۔ وزيراعظم ووئيل پاكستان تل د فلسطيني ورونړو هره ممكنه مرسته كړې ده۔ په نړيوالو فورمونو او نړيوالې ورورولۍ سره رابطو كښې پاكستان د فلسطین بشپړه ملاتړ كړے دے۔ په دې موقعه ميډيا سره خبرو كښې وزيراعظم شهباز شريف ووئيل ما خپل ورور صدر محمود عباس سره ملاقات كړے دے دغسې چې د فلسطين حكومت او خپلو فلسطيني ورونړو سره د بشپړه يووالي څرګندونه وكړې شي۔ ده ووئيل تېر يو كال څخه په غزه كښې اسرائيلي بربريت ٬ نسل وژنه او ظلم زياتې روان دے٬ پاكستان د اسرائيلي بربريت سخته غندنه كوي۔ ده ووئيل د تېر يو كال په مهال 41 زره فلسطيني وګړي شهيدان كړې شول په كومو كښې چې ځوانان ٬ كوچنيان او مشران شامل دي۔ وزيراعظم ووئيل يو شمېر ښارونه ٬ كلي ٬ سكولونه او روغتونونو تباه كړې شول۔ ده ووئيل اسرائيلي اقدام د نسل وژنې او بربريت ويروؤنكي مثالونه دي چې نظير يۍ په تاريخ كښې نه ترلاسه كيږي۔ ده ووئيل اوس وخت راغلې دې چې مونږ ټول يو موټې كېدو سره في الفور دوه مطالبې وكړؤ يوه دا چې په غزه كښې دې په سمدستي توګه جنګ بند كړې شي او دويمه مطالبه دې د آزاد فلسطيني رياست د جوړېدو وكړې شي۔ كوم سره چې د دې منطقې امن تړلے دے۔ وزيراعظم ووئيل كه دا صورتحال څه وخت لپاره دغسې بحال پاتے شو نو مونږ دې دا هېر نه كړؤ چې دې سره د نړۍ امن له مينځه تللے شي۔ وزیراعظم شهباز شریف د خپلو فلسطيني ورونړو په نامه خپل پېغام كښې ووئيل چې د فلسطيني ورونړو او خوېندو ستړې ٬ عزم او قربانۍ به بې ځايه نه ځي – كه پاك پروردګار ته منظور وي- د دې په نتيجه كښې به يو آزاد فلسطيني رياست جوړ شي۔ په دې موقعه ميډيا سره خبرو كښې د فلسطين صدر محمود عباس ووئيل له اولې ورځې څخه پاكستان فلسطين سره ولاړ پاتے شوے دے او د پاكستان جوړېدو څخه وروستو له كال 1948 څخه تر نن ورځې پاكستان خپلو فلسطيني ورونړو سره ولاړ دے۔ پاكستان د فلسطيني اولس هره ممكنه مرسته كړې ده۔ دې سره سره پاكستان په نړيوالو فورمونو هم تل فلسطين سره اودرېدو سره د فلسطين د دريځ بشپړ ملاتړ كړے دے
اسرائيل د فلسطينيانو نسل وژنه او د وحشت څرګندونه كوي٬ د پاكستاني اولس زړونه فلسطيني ورونړو سره درزيږي: وزیراعظم شهباز شریف
مضمون کا ماخذ : میگا ملینز آن لائن ٹکٹ
متعلقہ مضامین
.jpg)
