اسلام آباد۔8فروری (اے پی پی):وزیر اعظم عمران خان آکھیے جو موجودہ حکومت دی اولین ترجیح عام آدمی دا مفاد اے ۔ اوکھے معاشی حالات دی وجہ توں غریب عوام ساریں توں ودھ متاثر تھیندی پئی اے ، انہاں کوں ہر ممکن ریلیف ݙیوݨ حکومت دی اولین ترجیح اے۔ اے ڳالھ انہاں سنوار کوں آپݨی صدارت اچ حکومتی معاشی ٹیم دے اجلاس توں خطاب کریندے ہوئیں آکھی اے ۔اجلاس اچ بنیادی ضروری چیزاں دیاں قیمتاں گھٹ کرݨ تے عام لوکاں کوں ریلیف ݙیوݨ دے حوالے نال ممکنہ اقدامات تے غور کیتا ڳیا ۔اجلاس اچ وفاقی وزراء ڈاکٹر عبدالحفیظ شیخ، اسد عمر، مخدوم خسرو بختیار، مشیران عبدالرزاق داؤد، ڈاکٹر عشرت حسین، گورنر سٹیٹ بنک ڈاکٹر رضا باقر،معاونین خصوصی ڈاکٹر وقار مسعود، ندیم بابر، تابش گوہر اتے سینئر افسر شریک تھئے ۔اجلاس اچ احساس پروگرام دے تحت مستحق خانداناں کوں ٹارگٹڈ سبسڈی ݙیوݨ دے حوالے نال مختلف تجاویز تے وی غور کیتا ڳئے ۔ وزیرِ اعظم عمران خان اجلاس توں خطاب کریندے ہوئیں آکھیے جو موجودہ حکومت دی اولین ترجیح عام آدمی دا مفاد اے۔ انہاں آکھیے جو اوکھے معاشی حالات پاروں غریب عوام ساریں توں ودھ متاثر تھیندی اے لہذا انھاں کوں ہرممکن ریلیف ݙیوݨ حکومت دی اولین ترجیح اے۔ وزیرِ اعظم آکھیے جو بالواسطہ ٹیکساں دا ٻوجھ ساریں توں ودھ غریب طبقے تے پوندے لہذا بالواسطہ ٹیکساں دا ٻوجھ گھٹ کرݨ تے خصوصی توجہ ݙتی ونڄے ۔وزیر اعظم معاشی ٹیم کوں ہدایت کیتی جو درآمد شدہ کھاوݨ پیوݨ دیاں مختلف چیزاں تے لاتے ڳئے ٹیکس گھٹ کرݨ دے حوالے نال تجویزاں ݙتیاں ونڄن تاں جو عوام بالخصوص غریب اتے مڈل کلاس کوں ریلیف ݙتا ونڄ سڳے ۔
