اسلام آباد۔4اپریل (اے پی پی):وزیراعظم عمران خان آکھیے جو انہاں دے اقتدار دا پہلا سال خوفناک ہئی ، قرضے دیاں قسطاں واپس نہ کرݨ دی صورت اچ ملک دے دیوالیہ تھیوݨ دا خطرہ ہئی لیکن حکومت بحران توں کڈھݨ اچ کامیاب رہی اڄ سارے اقتصادی اشاریے مثبت اتے سدھے پاسے ویندے پئن ۔ اتوار کوں عوام دی براہ راست ٹیلیفون کالز دا جواب ݙیندے ہوئیں وزیراعظم عمران خان آکھیے جو انہاں دے اقتدار دے پہلے ݙو سال انتہائی چیلجنگ ہن جݙاں جو پہلاسال ٻہوں خوفناک ہئی ، جݙاں ملک دے دیوالیہ تھیوݨ دا ݙر ہئی کیوں جو سابق حکومتاں جیڑھا بھاری قرضے ڳھدے انہاں کوں ادا کرݨا ہئی ۔ وزیراعظم ترقیاتی منصوبیں کیتے گھٹ بجٹ مختص کرݨ دی وجوہات تے وی روشنی پاتی اتے ݙسایا جو حکومت ݙے تعلیم، صحت، سڑکاں دی تعمیر سودھے ترقیاتی منصوبیں کیتے رقم کائناں ہئی ۔
مضمون کا ماخذ : raspadinha آن لائن مفت
