اسلام آباد۔27اکتوبر (اے پی پی):وزیر خارجہ شاہ محمود قریشی آکھیے جو مقبوضہ کشمیر اچ انسانیت ہر ݙینھ مردی اے ، کشمیریاں دی آواز دبائی ویندی پئی اے ، پاکستان انہاں دی آواز بݨسے ۔ منگل کوں وزارت خارجہ اچ یوم سیاہ دے موقع تے سیمینار توں خطاب کریندے ہوئیں وزیر خارجہ آکھیے جو کشمیر صرف پاکستان اتے ہندوستان وچال جھیڑا کشمیر کائنی بلکہ ہندوستانی غیر قانونی مقبوضہ جموں و کشمیر اچ انسانی حقوق دیاں سنگین خلاف ورزیاں کوں روکݨ کیتے اجتماعی انسانیت کیتے ہک آزمائشی امتحان اے۔ وزیر خارجہ آکھیے جو بھارت مقبوضہ کشمیر اچ ظلم دے انتہا کرݙتی اے اتے کشمیری عوام کوں بدترین نوعیت دے غیر انسانی سلوک دا نشانہ بݨایا ویندا پئے۔ انہاں آکھیے جو کشمیریاں کوں کوئی آزادی حاصل کائنی تے او گزریل ہک سال توں مسلسل فوجی محاصرے وچ ہن، بھارت عالمی قوانین دی خلاف ورزی کریندے ہوئیں مقبوضہ کشمیر دی جغرافیائی حیثیت بدالی ویندے ،انہاں آکھیے جومقبوضہ کشمیر اچ کشمیریاں دی آواز دبائی ویندی پئی اے لیکن پاکستان انہاں دی آواز بݨسی۔
مقبوضہ کشمیر اچ انسانیت ہر ݙینھ مردی اے ، کشمیریاں دی آواز دبائی ویندی پئی اے، شاہ محمود قریشی
مضمون کا ماخذ : پاور بال کے اعدادوشمار
متعلقہ مضامین
