اسلام آباد پولیس جنونی جتھے دا لاشاں ݙھواوݨ دا منصوبہ ناکام ٻݨائے، اسلام آباد پولیس دے مسلیاں دے حل کیتے سارے وسائل ݙیسوں، وزیراعظم دا تقریب نال خطاب

اسلام آباد۔11اکتوبر(اے پی پی) وزیراعظم محمد شہباز شریف آکھیے اسلام آباد پولیس جنونی جتھے دا لاشاں ڈھواوݨ دا منصوبہ ناکام بݨائے،   اسلام آباد پولیس اپݨے پیشہ وارانہ فرائض محنت تے لگن نال نبھیندی پئی اے ، اسلام آباد پولیس دیاں تنخواہیں پنجاب پولیس دے برابر کرݨ، نفری دی کمی پوری کرݨ سانڳے میرٹ تے بھرتیاں، ضلعی انتظامیہ اتے پولیس افسراں سانڳے ایگزیکٹو الائونس، قائداعظم میڈلز اتے سیف سٹی کوں سمارٹ سٹی اچ بدالݨ دے منصوبیں کوں وختی پورا کیتا ویسی ۔وزیراعظم محمد شہباز شریف پولیس لائنز دا دورہ کیتے۔ ایں موقع تے وفاقی وزیر داخلہ محسن نقوی اتے وفاقی وزیر اطلاعات و نشریات عطاء اﷲ تارڑ وی رلے ہن۔ پولیس لائنز آوݨ تے وزیراعظم کوں پولیس دے چاق و چوبند دستے سلامی ݙتی۔ وزیراعظم یادگار شہداء تے پھل چڑھائے ، شہداء گیلری دا دورہ کیتے، مہماناں دی کتاب اچ تاثرات قلمبند کیتن۔ وزیراعظم شہید عبدالحمید شاہ دے اہلخانہ نال تعزیت کیتی ۔ ایں موقع تے شہداء اتے غازیاں دے اعزاز اچ منعقدہ ت??ری?? توں خطاب کریندے وزیراعظم محمد شہباز شریف آکھیے شہید عبدالحمید شاہ فرض نبھاوݨ ویلھے جام شہادت نوش کیتا، انھاں دے گھر آلیں نال تعزیت کیتی تے ہے تے انھاں دے گھر آلیں کوں صبر تے استقامت دا مجسم پاتے، شہید امن اتے لکھاں پاکستانیاں دی حفاظت سانڳے فرض دی ادائیگی اچ جان نچھاور کریندے ، انھاں دے گھر آلیں سانڳے ݙکھ بیان ناقابل بیان ہوندے ۔ انہاں آکھیے اﷲ تعالیٰ قرآن پاک اچ فرمائے ”شہید کوں مردہ نہ آکھو ، اے زندہ ہن” شہید عبدالحمید شاہ اتے ماضی اچ اسلام آباد پولیس اچ شہادت دا درجہ گھنݨ آلے سارے افسراں تے سپاہیاں کوں خراج عقیدت پیش کرینداں تے آپݨی اتے وفاقی حکومت دی طرفوں تساݙی بہادری اتے فرض شناسی کوں سلام پیش کرینداں ۔ انھاں آکھیے وزیر داخلہ محسن نقوی اتے آئی جی پولیس اسلام آباد سید علی ناصر رضوی دی ݙینھ رات محنت قابل تعریف اے، اسلام آباد پولیس اپݨے پیشہ وارانہ فرائض محنت اتے لگن نال نبھیندی پئی اے ، انھاں دی شجاعت اتے بہادری کوں دلوں تحسین پیش کریندوں ، اسلام آباد پولیس اچ اہلکاراں دی کمی پوری کرݨ سانڳے میرٹ دی بنیاد تے شفاف طریقے نال بھرتی داعمل وختی مکمل کیتا ون??ے تے ایں وچ دیر نہ کیتی ون??ے ۔ وزیراعظم آکھیے 2014ء اچ ڈی چوک تے فسادیاں ست مہینے فساد برپا کیتی رکھیا ایں توں پاکستان دی معیشت کوں ارباں ڈالر دا ضیان تھیا ، چین دے صدر شی جن پنگ پاکستان دے بہترین دوست ہن، اوں ویلھے انھاں دا دورہ مجبوراً ملتوی کرݨا پیا کیوں جو فسادی ڈی چوک توں ہٹݨ کوں تیار نہ ہن انھاں دی بدترین خواہش ہئی جو ایں فساد دے نتیجے اچ لاشاں ڈھن تے پاکستان اچ اے فساد جنگل دی بھاہ وانڳوں کھنڈ ونجے ، اوں ویلھے وی اسلام آباد پولیس اتے رینجرز رل تے بہترین پیشہ وارانہ انداز اچ ایں معاملے توں توڑ پڄایا ، اوں ویلھے وی فسادیاں  نجی املاک کوں ضیان پڄاوݨ سانڳے ہتھکنڈے استعمال کیتے، انہاں قبراں کٹھیاں ، پی ٹی وی اتے پارلیمنٹ تے دھاوا ٻولݨ دا ناپاک منصوبہ ہئی ، ایس پی عصمت جونیجو سودھے سینکڑاں پولیس افسراں تے اہلکار زخمی تھئن لیکن پولیس قومی مقصد کوں سامݨ?? رکھیندے آپݨا فرض نبھائے، انھاں آکھیے اڄوکے ݙینھاں اچ ول پولیس قومی مفاد کوں سامݨ?? رکھ تے بہترین کارکردگی دا مظاہرہ کیتے،ڳالھیں مندے ، جنونی جتھے دا وطیرہ بݨ چکے ، 4 تے 5 اکتوبر کوں ھک صوبے دی طرفوں وفاق تے حملے اتے لشکر کشی کوں ناکام بݨائے ، اے غیر آئینی ہئی، ایں ویلھے ملائیشیا دے وزیراعظم انور ابراہیم پاکستان دے دورے تے ہن ، انہاں پاکستان نال حلال گوشت تے چاول دی ب??آم?? سودھے مختلف شعبیں اچ تعاون ودھاوݨ دا اعلان کیتے ، ھک پاسے عوام کوں خوشحالی و ترقی دے اے منصوبے اتے ݙوجھے پاسے جتھے انھاں منصوبیں کوں ناکام بݨاوݨ سانڳے وفاق تے چڑھائی کریندے پئن ، اسلام آباد پولیس انھاں منصوبیں کوں مٹی اچ رلائے ، مسلم لیگ (ن) دی حکومت ہمیشہ پولیس کلچر بدالݨ سانڳے اقدامات کیتے، وزیراعلیٰ پنجاب مریم نواز محمد نواز شریف دی قیادت اچ پولیس کلچر اچ اصلاحات کریندیاں پئن صوبہ سندھ اتے صوبہ بلوچستان اچ پولیس تے کم جاری اے ، صوبہ خیبرپختونخوا کوں وی وفاقی حکومت ہر ممکن تعاون ݙیوݨ سانڳے تیار اے ، وزیراعلیٰ پنجاب دی حیثیت نال ساریں توں پہلے صوبہ پنجاب اچ سیف سٹی اتے سی ٹی ڈی دے قیام سودھے ٻئے اقدامات کیتے ، پولیس کوں تربیت سودھے ٻئے شعبیں سانڳے درکار مالی وسائل ݙیسوں ، اسلام آباد پولیس کوں رول ماڈل بݨیسوں ، اسلام آباد پولیس دیاں تنخواہیں وختی پنجاب دے برابر کرݙتیاں ویسن چارے صوبیں وانڳوں اسلام آباد انتظامیہ تے پولیس افسراں کوں ایگزیکٹو الائونس ݙتا ویسی ، 21 جون 2023ء اچ پولیس افسران و سپاہیاں دے علاج معالجہ سانڳے ہسپتال دے قیام دا اعلان کیتا ہئی ، وزیر داخلہ، آئی جی پولیس اسلام آباد اتے چیف کمشنر اسلام آباد ایں کوں وختی مکمل کرݨ سانڳے اقدامات کرن، پولیس دے 64 افسران و سپاہی شہید تھئن ، انھاں اچوں 20 کوں شہداء پیکیج ملیے، باقی 44 شہداء کوں شہداء پیکیج کجھ ݙینھ اچ ݙتا ویسی ، سیف سٹی کوں سمارٹ سٹی بݨاوݨ سانڳے اقدامات کریندے پیوں ، وزیر داخلہ محسن نقوی انھاں منصوبیں تے اعلانات تے سپیڈ نال عملد??آم?? کراون ، 2022ء اچ ساݙی حکومت پولیس افسران و اہلکاراں کوں اعزاز ݙیوݨ دا اعلان کیتا ہئی ہݨ ول قائداعظم پولیس میڈل اتے صدارتی پولیس میڈل وختی ݙیسوں اے اعلانات کہیں ذاتی اتے سیاسی مقصد سانڳے کائنی ، اے صرف خدمت دا جذبہ اے، 1997ء توں مختلف ادوار اچ صوبہ پنجاب اچ خدمت کیتی، اسلام آباد پولیس بنیادی مسئلے حل کرے تے پیشہ واریت، جدید اسلحہ، تربیت اتے ٻالاں دے علاج سانڳے خاطر خواہ اقدامات کریسوں ۔ ت??ری?? توں خطاب اچ وزیر داخلہ محسن نقوی آکھیے وزیراعظم شہباز شریف اسلام آباد پولیس دی شہریاں دے تحفظ سانڳے خدمات دی تعریف کریندے آئن پنج مہینے اچ جرائم اچ 38 فیصد کمی آئی اے، انھاں پولیس افسران اتے اہلکاراں دی محنت دا نتیجہ اے، پنج مہینے اچ 400 پولیس اہلکاراں دی پروموشن کیتی ڳئی تریمت پولیس سٹیشن سیف سٹی اچ بݨایا ڳئے ایں کوں وختی انڄ کرݙتا ویسی ، مارگلہ پٹرول یونٹ بݨائے ، 27 تھاݨے دی ول بحالی دا کم شروع کر ݙتے، 17 تھاݨے کرائے دی عمارتاں اچ ہن انھاں کوں وختی سرکاری عمارتاں اچ منتقل کیتا ویسی ، 10 خدمت مرکز کم کریندے پئن ، سفارتی عملہ اتے غیر ملکیاں دے انڄ خدمت مرکز بݨیندے پیوں ، سیف سٹی کوں توسیع ݙے تے 7700 کیمریں تئیں گھن ویسوں  آئی جی اسلام آباد پولیس علی ناصر رضوی ت??ری?? توں خطاب اچ آکھیے اسلام آباد پولیس شہیداں اتے غازیاں دی وارث اے، اسلام آباد پولیس سٹریٹ کرائم توں دہشت گرداں دے خاتمہ تئیں مشن سرانجام ݙتن ، وزیراعظم شہباز شریف دے وژن موجب وزیر داخلہ دی قیادت اچ خدمت خلق اتے انصاف دی فراہمی تے شرپسنداں دی سرکوبی سانڳے کوشاں ہیسے۔