اسلام آباد 02 مئي (اے پي پي) د خارجه دفتر وياندې ممتاز زهره بلوچ وئيلي دي د اسلامي مرستې تنظيم (او ائي سي) په ګيمبيا كښې د سر مشريزې او خارجه وزيرانو غونډې په مهال به نائب وزيراعظم او خارجه وزير محمد اسحاق ډار په غونډه كښې ګډون كوٶنكو مشرانو او خارجه وزيرانو سره دوه اړخيزه ملاقاتونه كوي۔ د زيارت په ورځ د پرېس بريفنګ په مهال دې ووئيل د او آئي سي غونډه كښې به پاکستان اسلامي نړۍ ته د رامخې ته مسئلو اجتماعي حل لټولو په ضرورت زور رواړي۔ وياندي ووئېل د امريكې د سياسي چارو انډر سېكرتري جان باس او پرنسپل ډپټي اسسټنټ سېکرترې الزبتھ هورسټ تېره اوونۍ د پاكستان دورې او د لنډ مهاله خارجه سېكرتري رحيم حيات قرېشي سره د اړيكو په اړه مېديا ته ووئيل ۔دې ووئېل د دواړو ډلو ترمېنځه د دوه اړخيزه اړيكو په ټولو څانګو خبرې شوي او د تجارت، سرمايه کارۍ، توان، صحت، تعليم، زراعت او د موسمياتي بدلون څانګو پشمول د مختلف مذاكراتي عمل د لارې د تل پاتې مشغوليت په اهميت ئې زور رواړے ۔ وياندې ووئيل پاکستان د دوه اړخيزه مرستې او روغې جوړې زياتولو لپاره به امريكې سره رابطې جاري ساتي۔ دې ووئيل د اسرائيلي قابضو ځواكونو د نړيوال قوانين خلاف ورزۍ كولو سره په لوېديزه غاړه كښې غېر قانوني اقدامات دوامداره ساتلې ۔ دې ووئيل پاکستان د اسرائيل لخوا د بشري حقونو د زياتو شوو خلاف ورزو او په لويديزه غاړه كښې د اسرائيل د غېر قانوني بستيو جوړولو د زياتېدونكې شمېرې غندنه كړې۔ دې ووئيل د اسرائيل اقدامات د نړيوال قانون په ضد دي٬ دې سره سره دا د انساني قوانين او د ملګرو ملتونو او د او آئي سي د قراردادونو هم په ضد دي۔ وياندې ووئيل دا كاروائۍ د دوه رياستي حل امكانات ته هم زيان رسوي۔ دې په نړيوالې ورورولۍ زور روارو چې ھغوي اسرائيل په فلسطين كښې د ناوړه جرمونو د ارتكاب نه منع كولو او د ملګرو ملتونو په سلامتي كونسل كښې په سمدستي توګه د جنګ بندۍ نفاذ لپاره خپل موثره كردار ولوبوي او په اسرائيل زور رواړي چې ھغوي د غزه محاصره ختمه كړي ، بشري مرستې له سهولت وركړي او د وګړو تحفظ سره مجرمان اونيسي ۔ وياندې د فلسطين اولس لپاره د پاكساتن د بشپړه ملاتړ پخلي كولو سره د كال 1967 نه د وړاندې پولو تر مخه القدس الشريف د پايه تخت په توګه د يو آزاد٬ د عمل وړ او متصل فلسطيني رياست په جوړولو زور رواړو
نائب وزيراعظم او خارجه وزير محمد اسحاق ډار به د او آئي سي غونډه كښې ګډون كوٶنكو مشرانو او خارجه وزيرانو سره ملاقاتونه كوي۔ د خارجه دفتر ويانده
مضمون کا ماخذ : apostas lotomania
متعلقہ مضامین
.jpg)