اسلام آباد۔29اکتوبر (اے پی پی):صدر مملکت ڈاکٹر عارف علوی وفاقی محتسب دے فیصلے دے خلاف لاہور الیکٹرک سپلائی کمپنی(لیسکو) دی درخواست مسترد کریندے ہوئیں بیوہ کوں پینشن دی ادائیگی دا حکم برقرار رکھیندے ہوئیں لیسکو کوں ہدایت کیتی اے جو وفاقی محتسب دے فیصلے موجب بیوہ کوں ایندی جائز پینشن دا پورا حصہ ادا کیتا ونڄے ، صدر مملکت حکومتی پالیسی دے مطابق الائونسز دے نال بیوہ کوں پینشن دی ادائیگی نہ کرݨ تے کاوڑ کیتی اتے آپݨے فیصلے اچ قرار ݙتے جو بقیہ پینشن تے حکومتی پالیسی دے مطابق خاوند دی ریٹائرمنٹ دی تاریخ توں ودھارا وی ادا کیتا ونڄے ۔ ایوان صدر دے میڈیا ونگ موجب شکایت کنندہ مختار بیگم دے مرحوم شوہر جیڑھے جو لیسکو اچ ملازم ہن اپریل 2005 اچ ریٹائر تھئے اتے دسمبر 2013 وچ انتقال کر ڳئے، شکایت کنندہ کوں شوہر دی وفات دے ب??د فیملی پنشن باقاعدگی توں ݙتی ڳئی لیکن گھٹ شرح تے ݙتی ڳئی ۔ شکایت کنندہ آکھیے جو او 21,928 روپے ماہانہ پنشن حاصل گھندیاں ??ئن جݙاں جو حکومت دی طرفوں وقتاً فوقتاً کیتے ڳئے سارے انکریمنٹ کوں رلیندے ہوئیں اینکوں 15 سال بعد تقریباً ݙوگنا ہووݨا چاہیدا ہئی ۔شکایت کنندہ اپݨی شکایت دے ازالے کیتے وفاق محتسب نال رجوع کیتا۔ وفاق محتسب مورخہ 09۔03۔2021 دے اپݨے حکم نامے اچ آکھیے جو اے ناانصافی اے جو واپڈا پنشن ڈائریکٹوریٹ حکومتی پالیسی تے پوری طرح عمل نی کیتا اتے بیوہ کو بحالی تے ودھائے ڳئے ودھارے نی ݙتے ڳئے جݙاں جو ڈائریکٹر (پنشن) واپڈا خود سارے ڈسکوز، جینکوز این ٹی ڈی سی کوں SOP-2002 دے تحت پنشن دے ب??ال شدہ حصے تے سارے پنشنرز کوں پچھلیاں تاریخاں توں ودھارے دی اجازت ݙیوݨ دیاں ہدایات جاری کیتیاں ۔
وفاقی محتسب دے فیصلے دے مطابق بیوہ کوں ایندی جائز پینشن دا پورا حصہ ݙتا ونڄے ، صدر مملکت ڈاکٹر عارف علوی دی لاہور الیکٹرک سپلائی کمپنی کوں ہدایت
مضمون کا ماخذ : مردہ یا زندہ II
متعلقہ مضامین
